web counter
LEXO PA REKLAMA!

SHKARKO APP

App Store
Google Play

E fundit!

x

Kur do të dorëhiqet Patozi?

29 Prill 2021, 06:34, Politikë CNA

Ka ngelur ndoshta e vetmja shpresë në politikë që pas zgjedhjeve të 25 prillit, të jetë një personazh, një politikan i cili jep dorëheqjen.

Pasi Rama tha se do të dorëhiqej po të humbiste, fitoi. Ilir Meta tha se do të dorëhiqej po të fitonte Rama, nuk u dorëhoq por u justifikua. Lulzim Basha gjithashtu ende nuk ka dhënë dorëheqjen.

Personazhi i katërt i politikës i cili ka deklaruar se do të dorëhiqej në rast se nuk kapeshin objektivat, është Astrit Patozi.

Tani nuk ka ngelur gjë tjetër veçse të presim dorëheqjen e Astrit Patozit i cili është drejtuesi, koordinatori kombëtar i partisë Bindja Demokratike, një parti e re e themeluar gati dy vite më parë me disa objektiva të qarta, por që nuk ka mundur të sigurojë asnjë mandat deputeti.

Si vota kombëtare Patozi ka mundur të ketë vetëm 8238 ose 0.52% duke mos kapur as pragun për një përqind.

Qarku që është votuar më shumë është Tirana ku ai ka kandiduar, por edhe Vlora ku ka kandiduar Ardian Kollozi. Patozi ende nuk ka deklaruar qendrimin e tij përveçse një falenderimi, por është i katërti në listën e pritjes për të dhënë dorëheqjen.

Tre të parët nuk e benë këtë akt, tashmë pritet të shohim a do të jetë Patozi njeriu që do të japë shembullin në politikë duke qenë se garoi, nuk fitoi, pra humbi dhe dorëheqja do të ishte akti më qytetar.

Duke qenë se këtë ja ka kërkuar Lulzim Bashës dhe ai nuk e ka bërë, tashmë është përballë për të treguar se mund ta bëjë dhe mund t?i japë një leksion të mirë demokracie Lulit, Metës, të djathtës, por edhe një segmenti të së majtës në Shqipëri./CNA.al





Lajmet e fundit nga