web counter
LEXO PA REKLAMA!

SHKARKO APP

App Store
Google Play

Dështimi i Bashës në zgjedhje/ Çupi: Çdo lider i një partie normale do kishte dhënë dorëheqjen

29 Prill 2021, 15:44, Aktualitet CNA

Analisti Frrok Çupi ka folur për zgjedhjet e 25 prillit dhe humbjen e rradhës së Partisë Demokratike.

Në një intervistë për ?Report Tv?, Çupi deklaroi se çdo lider i një partie normale duhet të kishte dhënë dorëhqjen pas humbjes, duke iu referuar rastit konktet të Lulzim Bashës, i cili edhe pse ka humbur disa zgjedhje vijon të qëndrojë në krye të partisë.

Sipas tij, nuk është Basha i vetmi përgjegjës për humbjen e PD në zgjedhje, por një kornizë e tërë në parti, duke shtuar se dorëheqja e Bashës do të vendoste një standard.

“Duhej të kishte dhënë dorëheqjen që në momentin kur Pusteci manifestoi trendin që 28% ishte rritur PS. Që në atë moment një kryetar partie jep dorëheqjen, jo se mban fajin , por sepse vendos standard. Pse duhet ta japi sot? Sepse në PD dorëheqja nuk është standard. Luli ka humbur në 6 zgjedhje dhe nuk ka dhënë dorëheqjen.

PD e ka ligj që të mos jepet dorëheqja pas humbjes, Luli argumenton tani që ai nuk do e hapi dorëheqjen. PD i mbyllen portat e demokracisë. Nuk është vetëm Basha përgjegjës për humbjen, PD prej kohësh është në rënie shumë të fortë, unë çuditem si ka edhe kaq shumë votues. Përgjegjës është një lidership i tërë, një kornizë e tërë, mungesë e vizionit, tradita shumë e keqe“, u shpreh ai.

Për Presidentin Ilir Meta, analisti u shpreh i sigurt se ai do kërcënojë paqen në vend, ndërsa e cilësoi si të “rrezikshëm”. Sipas tij, Meta është i gatshëm të sulmojë Amerikën dhe të mbajë anën e faktorëve të tjerë rus apo islamikë./CNA.al





Lajmet e fundit nga