web counter
LEXO PA REKLAMA!

SHKARKO APP

App Store
Google Play

E fundit!

x

Lulzim Basha ka fituar!

28 Prill 2021, 11:23, Kronika CNA

Rezultati i zgjedhjeve të 25 Prillit tashmë është i qartë, verdikti i shqiptarëve është dhënë.

Në sjelljen e djeshme politike të kreut demokrat, morëm vetëm një përgjigje.: Ai ka fituar zgjedhjet!

Në fakt Luli, ka tentuar që pas shumë kohësh të fitojë PD, të bëhet lider i saj, ka kërkuar të futet në sistem, po e ka fituar dhe këtë dhe është futur në sistem, ka fituar kontrrolin e plotë të partisë nëpërmjet njerëzvë të tij, edhe këtë e ka fituar, por zgjedhjet nuk i ka fituar, ato i ka humbur.

Justifikimet e procesit të blerjes së votës e të tjera si këto janë qesharake. Më aktivja në blerjen e votës në Shqipëri, nga Elbasani, në Korçë e në Shkodër ishte LSI-ja, dhe kjo është e faktuar tashmë.

Por Luli sërish ka fituar, Luli ka fituar humbjen e tij!

Le të shohim shifrat se ç?na thonë. Partia Demokratike ka 600 mijë vota në zgjedhjet e vitit 2021, por ka nga 80-90 mijë vota më pak se në vitin 2013. Pra Sali Berisha është larguar nga pushteti me 680 mijë vota, kurse Luli pas 8 vitesh opozitë, merr vetëm 600 mijë vota. Ndërkohë që Berisha ishte 8 vite në pushtet dhe kuptohet, ajo do të ishte dita e fundit dhe më e zeza në historinë politike të PD, për të kapur fundin e oqeanit. Në fakt nuk ishte e tillë.

Shkoi dhe më thellë në 2017 dhe në 2021 Lulzim Basha nuk bëri asgjë tjetër, thjesht dhe vetëm ka humbur gati 80-90 mijë vota dhe ka marrë të pakënaqurit që kishin ikur nga PD në 2013 dhe në 2017, duke rikuperuar nga 2017 gati 150 mijë vota, të cilat ia ka marrë thuasje totalisht LSI, por gjithsesi përsërim ka 80-90 mijë vota më pak se në vitin 2013.

Nga ana tjetër LSI ka gati 100 mijë vota. Një rrudhje e saj pas 4 vitesh në opozitë. Do të ketë një rrudhje tjetër në zgjedhjet e ardhshme. LSI pritet të mos jetë më faktor politik, sepse po qëndroi gjatë në opozitë nuk do të mundë të mbajë me gajret dhe pranë njerëzit e saj.

Shkojmë më tej

Lulzim Basha ka fituar, mpakjen rrudhjen e së djathëts, në qoftë se do të analizojmë votat majtas dhe djathtas, fatkeqësisht e djathta është më e zvogëluar se kurrë.

Lulzim Basha nuk mundi bashkë me shumë aleatë të djathët por edhe disa të majtë brenda, të kishte në koalicionin e tij më shumë se 600 mijë vota. Në qoftë se se do të heqim Agron Dukën e Agrares apo votat e Vangjel Dules, e djathta është shumë më pak, por gjithsesi le ta pranojmë me 600 mijë vota.

Të majtët siç janë LSI, me fytyrë komuniste të Ilir Metës dhe PS janë bashkë gati 850 mijë vota, rreth 250 mijë vota më shumë se e djathta.

Po, Lulzim Basha ka fituar, humbjen katastrofike të së djathtës dhe një rritje dhe apo një stanjacion të së majtës, ku Partia Socialiste është rreth votave të saj historike me një rënie gati 5% në rang kombëtar. Kjo vjen për shkak të mungesës së votave të emigrantëve.

Lulzim Basha ka fituar, ka fituar humbjen e tij e cila duhet të sjellë pa asnjë diskutim dorëheqjen e tij, e cila do të ishte sërish një fitore për Lulzim Bashën. Kjo për faktin sepse do t?i jepte atij mundësinë të tregonte se ishte një lider i vërtetë por mesa duket Partinë Demokratike nuk e shikon më si një forcë idealesh dhe qytetarësh por si një shpk apo një biznes për interest e tij dhe familjarëve të tij.

Lulzim Basha ka fituar, ka fituar! Ka fituar kërkesën e Edi Ramës për ta futur në qeveri dhe ringjalljen e marrëveshjes së 2017 dhe fitorja më e madhe e Lulzim Bashës edhe pse ka humbur zgjedhjet mesa duket është Baton Haxhiu. Luli humbi zgjedhjet por fitoi Batonin./CNA.al





Lajmet e fundit nga