Shifrat dhe formula zgjedhore/ Çfarë humbet opozita nga dalja e përçarë?!

19 Prill 2021, 09:55, Opinione CNA

Edhe 5 ditë fushatë dhe më pas e diela vendos gjithçka. Palët janë në kulmin e fushatës, dikush edhe duke justifikuar humbjen me blerje votash, një tjetër me entuziazëm, pala tjetër me inagurime e premtime, dhe të gjithë presin sesi vota e shqiptarëve do prodhojë rezultatin sipas formulës së re zgjedhore dhe forcave në garë.

Janë në garë 12 koalicione, ku përfshihen në total 1680 kandidate pa përfshirë kandidatët e pavarur dhe ata që kërkon ligji si përpjestim.

PD ka listën e saj, edhe LSI ka listën e saj, këto janë dy frontet e pretenduara se kanë monopolin e Opozitës. Janë 280 kandidatë në lista të ndara koalicionesh që në çdo lloj formule do djegin vota që mund të ishin shumë të rëndësishme.

Dikush në paradhomën e Lulzim Bashës ka bërë llogaritë gabim. Sepse, opozita nuk është monopol i Lulzimit që qeverisi dhe bëri marrveshje me Edi Ramën, që në fund rezultoi qëndrim në pushtet për Rilindjen. Shënim/ Aleanca Rama-Basha është fakt

As monopol i LSI që kërcen sa në një krah e krahun tjetër duke u sjellë si një kurtizane që kërkon moral, por është debuar për imoralitet. Është Ilir Meta dhe LSI që e sollën Edi Ramën në pushtet për interesat e tyre korruptive e sot sillet si opozitar dhe gjithçka e kalon me një më fal.

Kemi një parti që është PD me 10 diku dhe 11 parti dhe kandidatë në garë kundër Ramës. PSD e Tom Doshit mund të konsiderohet afër më shumicën qeverisëse, por janë të gjitha listat e tjera që janë kundër Ramës dhe këto do sjellin dëme elektorale deri dhe mandate që do i mungojnë opozitës.

Llogaria është mjaft e thjeshtë. Po ta bëjmë atë me një enë dhe një hinkë, Edi Rama të gjitha votat i shkarkon në enën e tij nga hinka e PS, duke tentuar ta mbushë sa më shumë.

Nga ana tjetër LSI ka enën dhe hinkën e saj, PD ka të sajën, të dyja nuk janë enë komunikuese për të shpëtuar çdo sasi që mbetet, diçka më tepër derdhet kot.

Janë edhe partitë e tjera që kanë hinkat dhe enët e tyre më të vogla por janë enë që mbushen, qoftë me pak, janë një enë tjetër pa komunikim me PD-në e Lulit.

Askush nuk mund të thotë që Nisma Thurje është e Qeverisë, apo Jozefina Topalli që ka deklaruar publikisht s?ka koalicion me Ramën, as Patozi e as LRE e Arian Galdinit. Pa folur për partitë e tjera në garë që dolën si subjekte nga listat ?Basha? 2017 dhe janë përgjegjësi vetëm e kreut të Republikës së Re. Rama: Metën nuk e bëra unë President, s?kisha vota të zgjidhja dikë tjetër

Të gjitha këto parti kanë kandidatët e tyre, kanë enët e tyre, kanë hinkat e tyre të ndara. Pra nuk kemi një hinkw të madhe opozitare dhe një enë të madhe, që do mblidhte gjithçka e të shkarkohej si votë kundër qeverisë.

Kemi hinkën dhe enën e madhe të Ramës, një enë dhe hinkë të PD, një të LSI dhe gati 10 të tjera që duan vota opozitare me gati 1400 kandidatë, kjo sepse Lulzim Basha jo vetëm nuk zgjodhi të ulte palët, të bashkonte opozitën, të mblidhte çdo kontribut por kërkoi me çdo kusht edhe pse ena e tij mund të ishte e vogël ta mbante për vete.

Pasojat e mandateve të djegura nga listat e shumta opozitare në garë do shihen qartazi në 25 Prill. Janë të paktën 10 parti opozitare në garë me 1400 kandidatë, do mjaftonin nga 30 apo 50 vota që të jepnin një numër që shkon mbi 60 mijë vota të cilat nuk do jenë të përkthyera si mandate për opozitën.

Në Tiranë, Shkodër, Elbasan, Durrës, Vlorë, Korçë, Fier etj do ketë shumë vota që do ngelen jashtë mandateve që do prodhojë PD-LSI. Dhe në total do jenë aq shumë sa do jenë pikërisht mandatet që i kushtojnë opozitës, pushtetin, sepse doli e pa bashkuar dhe e përçarë prej Lulzim Bashës.

Rruga s?ka kthim, por euforia e flamujve dhe mitingjeve nuk mund të mposhtë argumentin e shifrave dhe skemën që do nxjerë rezultatin./CNA.al