E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Gjici: Na goditën me arbitra që të mos merrnim trofe, Partizani e meriton titullin këtë vit

18 Prill 2021, 08:21, Sport CNA

Presidenti i nderit i Kukësit, Safet Gjici, e ka cilësuar si vepër të arbitrave rënien e verilindorëve në renditje. Në një prononcim për ?SuperSport?, ai tregoi se skuadra ishte ndalur në momentin më të mirë nga gjyqtarët dhe se kishte pasur ngjarje që dukeshin si të qëllimshme kundër saj.

?Kukësi ka vuajtur nga goditja e arbitrave. Pak që kishim problem që nuk luajmë brenda shtëpisë, arbitrat në 5 ndeshje na kanë hequr fitoren. Nuk dua të justifikoj, punën dhe lojtarët. Kjo ka ndodhur, të gjithë janë dëshmitarë.

Arsyeja më madhore e kësaj ecurie ka qenë stadiumi, edhe ndërrimi i lojtarëve ka pasur efektin e vet, por nuk mund të justifikohet kjo renditje. Ne kemi treguar që luajmë mirë, ekipi është aty, Europa është e vështirë, por jo e pamundur, matematika na e lejon.

Kukësi, veç stadiumit, këtë sezon ka pasur probleme të mëdha me arbitrat. Nuk e di arsyen pse. Ta godasësh Kukësin, në ndeshje të rëndësishme, siç na kanë goditur arbitrat, nuk është normale. Do të dëshiroja që mos kishte diçka të qëllimshme, nuk kam prova, po di të them që arbitrat e kanë goditur në të paktën 5 ndeshje. Edhe sot kishte gabime të mëdha, me dashje apo pa dashje. Nuk dua të justifikoj as stafin, as ata që kanë sjellë lojtarët te Kukësi.

Kukësi pati një ecuri pozitive, kur ishte Gega i sëmurë. Fitoi 5 ndeshje resht. Kur e panë që po ecnim, menduan të na godisnin me arbitrat, që mos merrnim ndonjë trofe.

Goditja e parë është stadiumi, goditja e dytë është nga arbitrat, pastaj ka pasur probleme edhe në menaxhimin e brendshëm, unë nuk kam qenë afër tyre, siç rija më përpara. Ndikon edhe largimi i lojtarëve si Rroca dhe Abazaj, që bënin diferencën.

Më e rëndësishmja për sivjet është ndërtimi i stadiumit. Besoj se në sezonin tjetër, Kukësi do të luajë në shtëpi, do të keni një skuadër pretendent për kampion, do të vazhdojmë me akademinë, si dhe ndërtimin e disa fushave të tjera

Nëse nuk kanë ndikuar arbitrat te rezultatet e Kukësit, pse pikërisht dy lojtarët e Kukësit sot janë golashënuesit më të mirë në kampionat dhe Kukësi përsëri është në atë nivel ku është? Nëse arbritrat do të ishin të drejtë me Kukësin, jo ta ndihmonin, por të mos i hanin hakun, se ka tre sezone jashtë e ka bërë shumë shpenzime?

Ka patur ndeshje më përpara me Tiranën që na kanë hequr gol të rregullt. Janë 5 ndeshje që po t?i shohësh janë 15 pikë, me këto pikë që kemi ku do ishim? Kukësi sivjet është goditur më shumë se askush tjetër dhe kjo është me fakte.

Nuk ia vë fajin vetëm arbitrimit se ai ka qenë e janë bërë këto gjëra. Vjet kemi pasur ekipin më të mirë në Superiore dhe përsëri nuk dolëm kampion. Arsyet pse, mund t?i dinë shumë dhe ata që ndjekin futbollin. Nuk do të merrem me këtë.

Ndryshimet e shpeshta? Edhe kjo ka ndikuar. Ke ekipe në Shqipëri që kanë ndryshuar më shumë se unë dhe Kukësi dhe nuk merreni me ta, por me Kukësin. Unë kur kam ndryshuar, kam arritur objektivin.

Tani do të bëhet analiza për të gjithë. A kanë dhënë 100% për Kukësin? Unë kam pritur më shumë qoftë nga Ibraimi, qoftë nga Eze, apo edhe të tjerët. Mbrojtja është e vërtetë që ka çaluar te Kukësi, ka shumë mbrojtës të mirë, por nuk e di pse nuk jepnin maksimumin. Disa janë të rinj me perspektivë, por është çështje teknike që nuk i futem shumë se i takon trajnerëve e atyre që i kanë marrë.

E ardhmja e Josës? Klubi do të bëjë analizat e nëse del që nuk janë fajet e Josës, se në fakt ai nuk ka shumë faj, kur ka ardhur kanë qenë aty lojtarët. Varet nga analiza e klubit, unë mund të rekomandoj, bashkia është një prej aksionerëve por nuk ka mundësi financimi. Por gjithsesi them që ekipi i Kukësit do përforcime duke filluar nga mbrojtja e pastaj duke parë e analizuar secili çfarë ka dhënë për Kukësin. Janë marrë lojtarë me CV të mirë dhe nuk kanë dhënë atë që pritej. Edhe menaxhimi nuk ishte si duhet.

Ajo që na gëzon sivjet më shumë se pjesëmarrja apo jo në Europë, është bërja e stadiumit dhe rikthimi në shtëpinë e vet të ekipit të Kukësit.

Cili është për titull? Me çfarë kam parë, besoj që Partizani e meriton të marrë titullin kampion. Ka ekip shumë të mirë dhe një trajner shumë të mirë.

Po të mos isha president nderi, të isha president i Kukësit, Kukësi nuk do të ishte ku është sot, të jeni të bindur për këtë?, tha Gjici.