web counter
LEXO PA REKLAMA!

SHKARKO APP

App Store
Google Play

E fundit!

x

Plas te Juventusi, Kielini: Largohem nëse jam unë problemi

18 Prill 2021, 08:04, Sport CNA

Për Xhorxho Kielinin mjafton të bësh një numër për të kuptuar madhështinë e këtij futbollisti: 529 prezenca me bluzën bardhezi mbi shpatulla dhe mund të ishin akoma më shumë nëse dëmtimet nuk do ta kishin përndjekur pa pushim në të paktën 3 sezonet e fundit. Dhe kuptohet qartë pse ?King Kongu? i Juventusit është jo vetëm i pazëvendësueshëm sa herë që është në formë, por në të njëjtën kohë pse ka trashëguar shiritin e kapitenit pas Alesandro del Pieros dhe Xhanluixhi Bufonit.

Por, përveç dëmtimeve, edhe mosha duket se është një problem shumë i madh, sepse me 36 vite mbi shpatulla, numri 3 i prapavijës nuk është më një djalosh i ri, por kurrsesi ai nuk kërkon që t?u zërë vendin të rinjve dhe si një lider është gati të hapë krahun, duke mirëkuptuar, nëse drejtuesit nuk do t?i rinovojnë kontratën që skadon në fund të këtij sezoni. Dhe diçka të tillë Kielini e thotë hapur në një intervistë të shkurtër për rrjetin ?Sky Sport?.

?Kur dëgjoj ndokënd të flasë se në rast largimi nga Juvja dikush do të më shohë me një fanellë tjetër, më vjen të qesh. E di që jam në skadencë kontrate në fund të sezonit dhe nuk do të kërkoj asgjë nëse nuk më ofrohet, megjithatë nëse do ta ndiej ndoshta po, mund të luaj diku tjetër në Europë, por kurrsesi në Itali për një skuadër tjetër. Unë një problem për Juven? Nëse është kështu, e them hapur se jam gati të largohem.

Diçka e tillë përflitej edhe në periudhën kur unë isha së bashku me Bufonin në kombëtaren e Italisë, por në karrierë kemi kaluar aq shumë, sa di të them se as unë dhe as Bufoni nuk do të jemi kurrë një barrë, aq më tepër për Juventusin, ku kemi dhënë dhe kemi marrë gjithçka. Unë e di që jam 36 vjeç, por tani jam i përqendruar vetëm te ndeshja me Atalantën, te mënyra se si të ndaloj Murielin, Zapatën e Malinovskin. Asgjë tjetër më shumë se kaq?, tha Kielini.





Lajmet e fundit nga