E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Pazaret zgjedhore/ LSI paralajmëron humbjen në 25 Prill

15 Prill 2021, 10:49, Politikë CNA

Lëvizja Socialiste për Integrim, po bëhet gati të justifikojë humbjen.

Pasi rrezikojnë të mbeten vetëm me seli pa njerëz, thjesht në godina me logo, për t’u justifikuar me 26 Prill, po bëjnë gati skenarin.

Kur na ndajnë 10 ditë nga zgjedhjet parlamentare të 25 Prillit, eksponentë të LSI, kanë nisur të bërtasin për pazare zgjedhore.

Është e çuditshme dhe ironike, të dëgjosh nga LSI për pazare zgjedhore, pasi janë e vetmja forcë politike së cilës nuk i beson askush, në lidhje me këtë temë.

LSI sa vjen dhe përforcon çdo ditë, variantin ?Hajduti thërret kapeni hajdutin?.

Por, absurde është se LSI është hajdute votash me prova, ndërsa ata për të cilët bërtet ajo dhe i cilëson si hajdutë nuk ka prova vetëm fjalë.

Sot, Endrit Braimllari, kandidati PD për Qarkun e Korçës, në një deklaratë për mediat ka lëshuar akuza ndaj Ministrit të Mbrojtjes Niko Peleshi për pazare zgjedhore sëbashku me disa nga drejtorët e tij.

Ai ka kallëzuar në SPAK, Peleshin, për veprën penale ?Shpërdorimi i detyrës?, bashkë me disa zyrtarë të tjerë.

Në kallëzimin penal dërguar SPAK-ut, nuk flitet për asnjë provë të vetme, por vetëm fjalë boshe.

Sipas LSI, tani që jemi në kohë fushate dhe prag zgjedhjesh nuk duhet punuar, nuk duhet investuar, por duhet të ndërhyjë SPAK-u për ti ndaluar.

I gjithë ky skandal ndodh në një kohë kur vetë Presidenti Ilir Meta ka lënë detyrën dhe po shfaqet si kreu i LSI-së, duke bërë fushatë e duke dhënë paralajmërime dhe kërcënime që shtrihen deri tek kombëtarët.

Në këto rrethana LSI, Braimllari duhet të padisin në SPAK edhe Ilir Metën, për të cilin nuk është e vështirë të gjesh prova.

Por, duke e ditur se 26 Prilli do t?i gjejë humbës, Monika Kryemadhi që njihet si kryetare e LSI , po ndjek shembullin e Lulzim Bashës, duke bërë padi boshe për zyrtarë të ndryshëm, në mënyrë që të kenë me çfarë të justifikohen me 26 Prill.

Më poshtë po sjellim kallëzimin e LSI, ku nuk flitet për asnjë provë të vetme depozituar sot në SPAK./CNA.