web counter
LEXO PA REKLAMA!

SHKARKO APP

App Store
Google Play

E fundit!

x

Bashkëshorti i ish prokurores nën hetime/ Shkarkohet nga detyra zyrtari i lartë

9 Prill 2021, 09:36, Politikë CNA

Sot është raportuar për shkarkimin e drejtorit IKMT në Durrës, Ardjan Halili.

Nuk dihen ende motivet, por Ardjan Halili nuk është emër i panjohur, pasi ndaj tij ka pasur një procedim penal.

Për Halilin ëhstë raportuar se drejtësia është penguar nga bashkëshortja e tij që ka qenë prokurore në Durrës, Rabiana Halili. Kjo e fundit dha dorëheqjen, në një kohë që Vettingu kishte nisur hetimet ndaj saj.

Për 15 vite ajo nuk mund të jetë pjesë e sistemit të drejtësisë, ndërkohë edhe bashkëshortit të saj i është shkëputur kontrata nga Bashkia e Durrësit.

Denoncim për Ardjan Halilin është bërë në media nga qytetari Bedri Dërvishi dhe informacionet janë ofruar prej tij.

Sipas denoncuesit, procedimi penal ndaj Halilit ka nisur prej kohësh nga Prokuroria Durrës si dhe nga Hetimi dhe Krimi Ekonomik pranë Drejtorisë së Policisë vendore të qarkut Durrës.

Procedimi penal është hapur për dy kallëzime të rreme pranë prokurorise Durrës. Ka të bëjë me kallëzimin e datës 3/11/2018 ,sipas së cilit, kërcënohet zyrtari i lartë i Bashkisë Durrës në Gjirin e Lalzit si dhe një tjetër kallëzim të rremë për ndërtim të paligjshëm.

Me datë 04.04,2019  është shpallur vendimi për regjistrimin e procedimit penal, por ndaj Ardian Halilit nuk është ndërmarrë asnjë veprim.

Ndërkohë Prokuroria edhe pas denoncimit në media nuk ka reaguar për këtë rast, nëse janë mbyllur hetimet, apo nëse vijojnë./CNA.al





Lajmet e fundit nga