web counter
LEXO PA REKLAMA!

SHKARKO APP

App Store
Google Play

E fundit!

x

Nga kamarier në miliarder me luks të shfrenuar/ Lulzim Basha fsheh vilat e shtrenjta

9 Prill 2021, 08:46, Politikë CNA

Kreu i Partisë Demokratike Lulzim Basha, gjatë fushatës elektorale për zgjedhjet parlamentare të 25 Prillit, qytet më qytet ka takuar qytetarë, duke iu folur për varfërinë dhe kontrastin që bëjnë me makinat luksoze të qeveritarëve.

Duke rëndë kështu në kontradiktë me veten e tij, të cilit nuk i mungojnë makinat luksoze, vilat dhe pasuri të tjera marramendëse.

Basha, i cili qahet për varfërinë, nuk ia di limitet pasurisë së tij. Ai flet për rrënim të ekonomisë, ndërkohë vetë familjarisht jeton në luks dhe kunati i tij shton bizneset nga viti në vit.

Pra, del e mashtron, në një kohë që familja e tij sa vjen dhe e shton pasurinë.(Lexo këtu)

Lulzim Basha është zgjedhur kryebashkiak i Tiranës nga viti 2011 deri në 2015 dhe nga 2013 është kryetar i PD dhe deputet deri në shkurt të vitit 2019.

Në vitin 2015, kreu i PD ?së Lulzim Basha, në një emision televiziv pranoi, se pasuria e tij është mbi 1 milion euro dhe se kjo pasuri është vënë para se ai të futet në politikë dhe të jetë pjesë e saj, por kjo deklaratë bie poshtë.

Ai posedon vilë në Hollandë, me pallate në emër të vjehrrit në Vlorë, me disa apartamente në Tiranë, me vila në bregdet, me vila në Farkë dhe me plot pasuri të tjera të patundshme.

Referuar deklaratave të tij të pasurisë të marra nga ILDKPI,  nga kamarier në Rinas dhe përkthyes në Kosovë, Basha është shndërruar në miliarder.

Përveç vilave dhe apartamenteve ai posedon edhe diamante, apo piktura të shtrenjta.

Basha asnjëherë, që nga momenti që është përfshirë në politikë dhe deri më tani nuk ka hedhur dritë mbi krijimin e pasurisë së tij.  Është mjaftuar me deklaratën se e ka bërë pasurinë para të futej në politikë.

CNA.al ka kaluar një për një deklarimet e pasurisë së Lulzim Bashës, të depozituara në ILDKPKI dhe do të sjellë  edhe pasurinë e tij para dhe pas hyrjes në politikë.

Pasuria  e Bashës

Në vitin 2005, në kohën kur Basha iu bashkua Partisë Demokratike, deklaronte shtëpi në Holandë me vlerë 300 mijë euro, dy apartamente luksoze në Tiranë, një apartament në Durrës, një automjet Mercedes Benz me vlerë dhjetëra mijëra euro, pikturë me vlerë 6 500 euro, orë dore 5 200 euro, unazë diamanti 11 500 euro, servis pjatash kineze 6 800 euro, aksione në bursë 18 mijë euro.

Ndërsa makina që ka deklaruar Basha në vitin 2005, ka kushtuar 72 000 euro.

Po në të njëjtin vit, në 2005 ai deklaron një shtëpi banimi  në Holandë në vlerën 510 000 , tre apartamente në Tiranë, që kushtojnë 205 000 dollarë, 17 500 lekë, 62 000 dollarë, një apartament në Durrës që kushton  33 000 euro.

Në kohën që ka krijuar këtë pasuri marramendëse Basha ka qenë vetëm 31 vjeç.

Nga viti, Basha ka qenë i kursyer në lëvizjet e pasurisë. Të paktën kjo vihet re nga numri i veprimeve në deklarimet e pasurisë pranë ILDKPKI.

Në vitin 2007, banesën në Holandë ai e ka shitur  për një vlerë prej 250 mijë eurosh dhe një vit më pas edhe apartamentin në Durrës me vlerë 45 mijë euro.

Në vitin 2008 ai ka blerë një apartament në Qerret ku ka paguar vetëm një pjesë që ka shifrën 40 000 euro.

Në vitin 2012, bashkëshortja e tij Aurela Basha, ka shitur një apartament në Tiranë, ku zotëronte 25 %, me vlerë 10 450 000 lekë

Ndërsa në deklaratën e tij të pasurisë, së vitit 2014, Basha ka thotë se ka përfituar rreth 1.5 milionë lekë në vit nga puna si kryebashkiak i Tiranës, por edhe një pagë të siguruar nga Holanda prej 26 mijë eurosh, si drejtuesi i programit EWCP.

Në total,  pasuria e Bashës në vitin 2014 shkonte në 35 mijë euro në vit ose rreth 2,5 milionë lekë të vjetra në muaj.

Më pas në 2015 Basha është larguar në detyra dhe më tej në vitin 2017 kur është kthyer në Kuvend, nuk ka lëvizje të pasurisë.

Në vitin 2018 të dorëzuar në ILDKPI, Basha ka deklaruar një shumë prej 1335462 lekësh të ardhura nga paga dhe afro 535 mijë lekë të rinj si pagesë për mbulimin e karburantit dhe telefonit.

Ndërkohë që për të 2018, ka qenë një vit me ardhura relativisht të ulëta, kjo nuk mund të thuhet për bashkëshorten e tij, Aurela Basha. Ajo ka siguruar afro 55 mijë euro të ardhura për 2018 nga puna. Më konkretisht bashkëshortja e Bashës ka deklaruar 32.705 euro të ardhura nga paga si drejtore programesh në EËCP dhe 22664 euro të ardhura nga rikalkulimi i shërbimit të taksave.

Edhe në vitin 2019 nuk ka transksaksione pasurie, përveç se të ardhurat që ka marrë si deputet para se ta braktiste Kuvendin dhe pagën e  ba shkëshortes si drejtore programesh në EWCP, prej 6 130 euro.

Pasuria që dyshohet se fsheh Basha

Më herët CNA.al  ka raportuar se Lulzim Basha kishte marrë një vilë në Long Hill rezidencë e ndërtuar nga biznesmeni Agron Papuli, i quajtur oligark dhe denoncuar me dhjetëra herë nga Basha. (Lexo këtu)

Kujtojmë se në tetor të vitit 2019, Basha u zhvendos nga apartamenti i tij në katin e 12, pranë kullave te ?Qemal Stafa?, në kompleksin e vilave ?Long Hill?, në periferi të Tiranës me justifikimin e dëmtimeve nga tërmeti.

Gjithashtu CNA.al ka raportuar se Lulzim Basha është afruar të vilat e një tjetër oligarku në Lalz.

Bëhet fjalë për resortin luksoz ?Valamar? të Samir Manes në Gjirin e Lalzit, vend ku Basha është parë të zbarkojë dhe qëndrojë në një vilë luksoze. (Lexo këtu)

Skandalet dhe shtimi i pasurisë me 200  milion lekë

Lulzim Basha pasuria e të cilit është enigmatike, është prodhuesi i një sërë skandaleve.

Kujtojmë kohën kur  ishte Ministër Transportesh me skandalin 200 milionë euro në rrugën e Kombit, kur ishte Ministër i Jashtëm me skandalin e ujrave teritoriale me Greqinë, rrëzuar nga Gjykata Kushtetuese si dhe kur ishte Ministër i Brendshëm,  me 21 Janar, Garda, përgjegjësi e tij direkte vret 4 persona pas një proteste të Socialistëve kundër Ilir Metës.

Përgjatë këtyre viteve, kur janë regjistruar edhe këto skandale, Lulzim Basha, është paguar me taksat e qytetarëve dhe pasuria e tij është shtuar me 200  milionë lekë nga pagat e majme në institucionet ku ka drejtuar.

Gjithashtu të ardhura ka përfituar edhe nga fondet e PD, që shkojnë deri në 10 milionë lekë.

Edhe të ardhurat e bashkëshortes së tij Aurela Basha, kanë qenë marramendëse, duke e shtuar pasurinë  me gati 400 mijë euro, siç deklaron ajo nga puna si drejtore në një organizatë të huaj, ku është paguar nga 11 mijë euro minimumi dhe deri në 49,512 euro në vit./CNA.al





Lajmet e fundit nga