E fundit!

11:41 Aktualitet

Përplasjet me opozitën/ Balla: Partinë e Sali Berishës nuk e pranoj si përfaqësuese të protestës

Kreu i grupit të PS, Taulant Balla pas mbledhjes së Konfer...

Gjoba 110 milionë Euro/ PD padit në SPAK Ramën, Engjëll Agaçin dhe zyrtarë të tjerë

8 Prill 2021, 12:18, Politikë CNA

Partia Demokratike ka paditur në SPAK kryeministrin Edi Rama, Engjëll Agaçin dhe zyrtarë të tjerë të lartë, pas vendimit të arbitrazhit që detyron të dëmshpërblejë me 110 milionë euro biznesmenin italian Francesco Becchetti.

Përfaqësuesi ligjor i Partisë Demokratike, Ivi Kaso thotë se çështja e 110 milionë eurove të humbura në gjyqin me Bechetin nuk mund të kalojë vetëm me deklarata politike apo me zemërimin e ligjshëm të qytetarëve.

?Kush u ka shkaktuar dëm qëllimisht shqiptarëve, do të duhet të përgjigjet përpara drejtësisë. Për këtë arsye, sot dorëzuam në SPAK kallëzimin kundër personave kyç që po detyrojnë shqiptarët të paguajnë 110 milionë euro. Mes tyre janë Edi Rama, kryeministri në hije Engjëll Agaçi, me detyrë Sekretar i Përgjithshëm i Këshillit të Ministrave, ish Avokatja e shtetit, Alma Hiçka, e shkarkuar së fundmi si gjyqtare për pasuri të pajustifikuar, si dhe ish drejtues dhe aksionerë të Top Channel, që sot mbajnë detyra të larta shtetërore në qeverinë e Edi Ramës.

Nga i gjithë shqyrtimi që ne i kemi bërë dosjes së arbitrazhit ndërkombëtar, Shqipëria doli e humbur në gjyqin me Bechettin, sepse kështu e kishte përcaktuar Edi Rama. Kryeministri u soll si një bandë mafioze për të sulmuar një biznesmen që i prishte punë, për të ndihmuar një biznes tjetër, me të cilin ndajnë fitimet?, u shpreh ai.

Sipas Kasos, ky dështim i Edi Ramës është një nga faturat më të rënda për Shqipërinë dhe shqiptarët.

?Është pjesë e dështimeve 8 vjeçare që kanë varfëruar qytetarët, e kanë bërë biznesin të pasigurt, kanë larguar investimet e huaja, kanë mbyllur vendet e punës, na ka mbajtur larg Europës. Ky është një rast i artë për SPAK, që t?u provojë shqiptarëve se investimi i madh tek reforma në drejtësi po shpërblehet dhe abuzimi me pushtetin nuk do të kalojë pa u ndëshkuar. Është shumë e rëndësishme që për këtë çështje SPAK të hetojë me shpejtësi dhe paanësi? theskoi më tej Kaso./CNA.al