E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Fatmir Mediu tregon sa mandate synon opozita në Tiranë/ “Regjimi i korruptuar i Ramës kërcënon votën e lirë”

8 Prill 2021, 15:20, Politikë CNA

Zgjedhjet parlamentare të 25 prillit janë më afër se kurrë. Mbas dy të dielash, qytetarët shqiptarë do të paraqiten në qendrat e votimit, për të ushtruar të drejtën e tyre demokratike dhe për të zgjedhur shumica e tyre se kë dëshiron për të qeverisur.

Kreu i Partisë Republikane Fatmir Mediu, i cili është pjesë e koalicionit Aleanca për Ndryshim të udhëheqeur nga Partia Demokratike dhe renditet i shtati në Tiranë ka folur për situatën parazgjedhore dhe shqetësimet që ka hasur tek qytetarët.

Në një intervistë për CNA.al, Mediu theksoi se opozita aktuale ka një mbështetje të madhe tek qytetarët, për shkak të regjimit të korruptuar të Edi Ramës në këto tetë vite qeverisje.

?Mendoj që përballë janë shqiptarët me regjimin e korruptuar të Edi Ramës.

Ka një mbështetje të madhe qytetare, por duhet që të vlerësojmë çdo moment dhe çdo marrëdhënie me qytetarë dhe forcat politike përballë këtij regjimi që ka filluar blerjen e votës, intimidimin e votuesve dhe pëdorimin e administratës shtetërore në ekstrem?, tha ai.

Mediu argumentoi edhe qëllimin pse qytetarët duhet t?i besojnë votën Partisë Republikane në 25 prill. Sipas tij, PR ka qenë një parti që ka mbështetur gjithmonë të djathtën dhe ka bërë të mundur jo vetëm antarësimin e Shqipërisë në NATO, por edhe ka mbështetur interesat e qytetarëve për pronën, biznesin dhe familjen.

?Partia Republikane ka qenë gjithmonë në të djathtën shqiptare në bashkëpunim me PD, në qeveri dhe opozitë, për të realizuar qëllime kombëtare si antarësimi i Shqipërisë në NATO dhe zhvillimin e vendit. Po ashtu, është një parti që i ka qendruar bindjeve të saj të djathta pa kompromis. Besimin, familjen, pronën dhe kombin. Parti e taksave të ulta, mbështetëse e biznesit dhe një qeverie të vogël me autoritet të kufizuar?, tha Mediu.

I pyetur se sa mnadate do të marrë opozita e bashkuar në Tiranës, që është edhe qarku më i madh, kreu i PR tha: ?Shpresoj dhe besoj mbi 20 mandate?.

Mediu theksoi më tej për CNA.al se regjimi i korruptuar i Ramës dhe qëllimi i tij për të qëndruar në pushtet mund të rrezikojë në 25 prill voitën e lirë të qytetarëve.

?Ky regjim i korruptuar me një kryeninistër që ka humbur çdo vlerë politike dhe njerëzore, që shan, fyen e përbuz qytetarët e vet nuk ka për tu ndalur për të ruajtur pushtetin e krimit dhe korrupsionit?, tha Mediu.

Ndërsa sa i takon krijimit të partive të reja, kreu i PR theksoi se asnjë votë e opozitës së bashkuar nuk do të shkojë dëm. ?Shpresoj që asnjë votë e opozitarëve të kësaj qeverie pavarësisht nga dallimet që kemi me njëri-tjetrin mos të shkojë dëm?, deklaroi ndër të tjera Mediu për CNA.al.

I pyetur se nëse beson se partitë e tjera të djathta do të rreshtohen përkrah opozitës pas zgjedhjeve të 25 qershorit, kreu i PR tha: ?Mendoj se do ishte zgjedhja më e mirë dhe e drejtë në shërbim të interesave të vendit?.

Mediu foli edhe për reformën në drejtësi, për të cilën u shpreh se optimist se organet e reja do të japin rezultatin e tyre, atë që shqiptarët duan dhe presin. ?Të gjithë kemi pritur dhe shpresojmë që reforma në drejtësi dhe institucionet e drejtësisë të garantojnë pavarësinë dhe barazinë përballë ligjit. Shpresoj që koha të provojë që pritshmëritë e shqiptarëve dhe partnerëve ndërkombëtar të konkretizohen?, tha Mediu në intervistë për CNA.al.