web counter
LEXO PA REKLAMA!

SHKARKO APP

App Store
Google Play

E fundit!

x

“Shitësit e misrave u japin informacion me radio policie”/ Artan Hoxha zbulon si e kontrollojnë territorin bandat në Elbasan

6 Prill 2021, 19:35, Kronika CNA

Gazetari invetigativ Artan Hoxha në një intervistë për emisionin ?Vetting? në ABC News, tha se grupet kriminale në qytetin e Elbasan janë të organizuar dhe marrin informacion që nga shitësit e mirave nëpër rrugë e deri tek kamarierët e lokaleve.

?Nga historia që i kam ndjekur më ka bërë përshtypje që kanë një sistem shumë të fortë informacioni, patrullimi dhe kontrolli të territorit. E kontrollojnë me informatorë. Kam parë njerëz duke shitur misra por në xhep kanë radio policie që e përdorin për komunikim të brendshëm. Ka kamarierë ose shitës që janë informatorë. Ka mbikëqyrje të territorit me sistem kamerash. Prandaj kur policia shkon është e vështirë t?iu gjenden prova materiale?,-deklaroi gazetari.

Hoxha theksoi se  se grupet kriminale në Elbasan përplasen për të kontrolluar qytetin pasi është një nyje e rëndësishme strategjike ku kalojnë degëzimet e linjës së heroinës.

?Zhvillimet në Elbasan janë beteja mes grupeve kriminale për të marrë nën kontroll qytetin. Elbasani është një nyje e rëndësishme strategjike. Kalojnë korridoret tokësore të trafikut të lëndëve narkotike. Aty kalojnë degëzimet të linjës së heroinës nga Afganistani, Turqia. Kalojnë të gjitha rrugët kryesore që e lidhin pjesën perëndimore me atë lindore të Shqipërisë. Pozicioni që ka Elbasani si një kryqëzim shumë i rëndësishëm i linjave të trafikut.

Burimi kryesor i të ardhurave në Elbasan, nuk është Elbasani si qytet por trafiku jashtë Shqipërisë. Ata kontrollojnë jetën ekonomike dhe atë politike. Vitet e fundit janë ekspozuar më shumë. Ata e kanë blerë sistemin e drejtësisë dhe jo më kot ajo shprehja e kryeministrit Edi Rama kur nisi ajo e KÇK-së që kriminelët e Elbasanit hyjnë me pranga dhe dalin me duar në xhepa?, shprehet Hoxha./CNA.al





Lajmet e fundit nga