web counter
LEXO PA REKLAMA!

SHKARKO APP

App Store
Google Play

Basha kundër ministrave të Berishës/ Asnjë prej tyre në kabinetin tim qeveritar

5 Prill 2021, 06:26, Politikë CNA

Kreu i PD Lulzim Basha ka dalë kundër anëtarëve të Kabinetit të qeverisë së ish-kryeministrit Sali Berisha.

Mëngjesin e sotëm Basha theksoi se në Kabinetin e tij, nuk do të jetë asnjë prej tyre. Mesa duket Basha do të mbajë larg posteve ministrore të gjithë ministrat që kanë shërbyer në Qeverinë Berisha.

Ai theksoi se anëtarët e kabinetit do jenë ata persona që mbajnë peshën e qeverisë, zonja dhe zotërinj të spikatur.

?Uji rrjedh, jeta rrjedh. Në qeverisjen time nuk do të ketë anëtarë të kabinetit, që kanë shërbyer në të kaluarën, por do të ketë anëtarë me integritet, me profesionalizëm, që do të jenë në gjendje të mbajnë peshën e përgjegjësisë. Do të përbëhet nga individë, zonja e zotërinj të spikatur, në fushat e tyre profesionale, që do të bëjnë të mundur krijimin e një kulture të re politike. Kjo na karakterizon neve si ekip, por edhe mua. Politika sot është bërë një fjalë e pisët, sepse ka hyrë dhunshëm në jetën e shqiptarëve, duke rënduar problemet. Ndërsa politika siç e shoh unë nuk mund të jetë një teatër, në kurriz të aspekteve të bashkëjetesës. Specialistët e fushave të ndryshme duhet të kenë hapësirën për të kontribuar. Do të thoja një ndryshim me çdo lloj përqasje ndaj qeverisjes që mund të kemi pasur në këto 30 vite, për t?i dhënë fund tranzicionit shqiptar?, u shpreh Basha./CNA.al





Lajmet e fundit nga