web counter
LEXO PA REKLAMA!

SHKARKO APP

App Store
Google Play

Pipero tregon kur mund të lehtësohen masat antiCovid/ Ja kur arrin 70% imuniteti i tufës

3 Prill 2021, 21:04, Lifestyle CNA

Mjeku Pëllumb Pipero ka folur për situatën nga Covid në vendin tonë.

Ai shprehet se një pjesë e konsiderueshme e qytetarëve e kanë kaluar tashmë virusin dhe e kanë fituar imunitetin.

Sipas Piperos, jemi në fushatë elektorale dhe shohim se kemi një shkelje të masave, sërish mendoj se komiteti do të marrë shumë shpejt masa lehtësuese lidhur me orën policore ose për masa të tjera.

“Intensiteti i sëmundjes ka rënë. Një pjesë e konsiderueshme e qytetarëve e kanë kaluar tashmë virusin dhe e kanë fituar imunitetin. Për mua respektimi i masave lë për të dëshiruar dhe nuk është optimal. Po ashtu edhe vaksinimi po vazhdon mirë. Të gjithë këto faktorë kanë ndikuar në uljen e transmetueshmërisë dhe shtrimeve në spital dhe për rrjedhojë humbjet e jetës. Mendoj se Komiteti teknik do të mblidhet dhe mendoj se do të kemi një lehtësim të masave të mëtejshme, edhe pse kemi masa më të lehta krahasuar me vendet e tjera.

Ne jemi në fushatë elektorale dhe shohim se kemi një shkelje të masave, sërish mendoj se komiteti do të marrë shumë shpejt masa lehtësuese lidhur me orën policore ose për masa të tjera. Ka studime të bëra në vend dhe besoj se studimi i tyre i përafrohet realitet në vend. Unë besoj se vendi është në 30-40% në imunitet kolektiv. Por që të kemi një imunitet optimal duhet që së paku të kemi një imunitet mbi 70%, domethënë imuniteti natyral dhe ai artificial përmes vaksinave. Unë besoj se me ritmin e vaksinave, do të realizohet ky qëllim i imunizimit mbi 70% deri në qershor?, tha Pipero në një intervistë për Ora News./CNA.al





Lajmet e fundit nga