web counter
LEXO PA REKLAMA!

SHKARKO APP

App Store
Google Play

E fundit!

x

Kurba drejt uljes/ Alimehmeti: Nuk mund të jemi të qetë pa u imunizuar 70% e popullatës

3 Prill 2021, 18:01, Lifestyle CNA

Mjeku Ilir Alimehmeti  ka komentuar situatën e pandemisë në vendin tonë ku u shpreh se gjatë ditëve të fundit është vënë re një ulje e rasteve që ka filluar pas një qëndrueshmërie me raste të reja në shkurt.

Alimehmeti tha se çdo përpjekje për vaksinimin është një gjë pozitive, por nuk mund të jemi të qetë, pa u imunizuar më shumë se sa 70% e popullatës.

‘Është vënë re një ulje e rasteve që ka filluar pas një qëndrueshmërie me rate të reja në shkurt. Fatmirësisht kanë rënë edhe humbjet e jetës dhe shtrimet në spitale. Shpresojmë që kjo shifër të ulet më tej në këtë mënyrë konstante.

Çdo përpjekje për vaksinimin është një gjë pozitive, por nuk mund të jemi të qetë, pas u imunizuar më shumë se sa 70% e popullatës. Në këtë moment që flasim kush nuk e ka kaluar virusin ose nuk është imunizuar, patjetër duhet të ketë një kujdes dhe duhet të respektojë masat. Ritmet e vaksinimit janë të mira, por duhet parë se sa do të jetë efekti në nivel komuniteti. Le të shpresojë që ky ritëm do të japë një dorë të mirë në imunizim.

Vaksinimi është i rëndësishëm në nivel komunitar. Shifra të larta me vaksinimin i kemi parë në shtete si Izraeli apo Britania dhe aty shihet një rënie në infektime, si dhe një rritje imunizimi. Për mua nuk ka sens politizimi i vaksinash. Kjo është një situatë dinamike dhe informacioni ndryshon.

Sigurisht që për të pasur licencat e nevojshme për vaksinat duhet më shumë kohë. Kjo situatë do të kalojë dhe do të kthehet në një endemi dhe do të ketë vetëm vatra të vogla, por nuk dihet se kur do të ndodhë një gjë e tillë konkretisht. Tendenca e çdo lloj virusi është që herët e vonë, sidomos me këtë vaksinim, ka tendenca që të kthehen në endemi”, tha ai në Ora news./CNA.al





Lajmet e fundit nga