web counter
LEXO PA REKLAMA!

SHKARKO APP

App Store
Google Play

Djarmati: Laçi i fortë, por radhën e ka Partizani

2 Prill 2021, 11:26, Sport CNA

Shorti i gjysmëfinaleve të Kupës së Shqipërisë ka vënë Vllazninë përballë një rivali të vështirë siç është Laçi, fitues në të kaluarën i këtij turne dhe një prej pretendentëve kryesorë për të ngritur lart trofeun. Matko Djarmati, drejtori sportiv i kuqebluve ka vlerësuar këtë përballje si të vështire, por ka theksuar se shkodranët nuk po mendojnë për të, pasi më parë kanë duelet e kampionatit ku e nisin nesër mbrojtjen e vendit të parë ndaj një kundërshtari direkt.

?Laçi është një ndër ekipet më të mira në dekadën e fundit në Kupë. Nëse dëshiron të fitosh një trofe duhet të mundësh ekipet më të mirë në Shqipëri.

Është një ndeshje Kupe, jo ndeshje kampionati. Finalja e Kupës është kur mbaron kampionati, pas dy javësh mendojmë për Laçin, tani mendojmë për Partizanin.

Ndaj Partizanit na pret një ndeshje shumë e vështirë, një konkurrent direkt për titullin kampion. Kemi një kontingjent prej 25 lojtarësh dhe absolutisht janë të sigurt që cilido që të luajë do të japë 100% të tij.

Pas kësaj periudhe të vështirë për ne, ishte një 2 javësh shumë i mirë dhe jemi përgatitur për këtë ndeshje?, tha Djarmati.





Lajmet e fundit nga