web counter
LEXO PA REKLAMA!

SHKARKO APP

App Store
Google Play

E fundit!

x

"Kemi pak kualitete në mesfushë, ndeshja e fundit larg pritshmërive tona", Duka i pakënaqur me Kombëtaren

1 Prill 2021, 10:49, Sport CNA

Presidenti i FSHF-së, Armando Duka është rikthyer ditën e sotme në Shqipëri pas ndeshjes së djeshme të Kombëtares ndaj San Marinos. Kuqezinjtë fituan me rezultatin 0-2, por paraqitje në fushë nuk ishte tepër bindëse edhe pse skuadra krijoi shumë raste.

Në një intervistë të dhënë për ?A2CNN?, presidenti Duka u shpreh i pakënqur nga loja e zhvilluar dhe kritikoi ashpër repartin e mesfushës, ndërsa dha edhe një ?mesazh? për trajnerin Reja dhe stafin teknik që të arrijnë objektivin.

?Bilanci i pikëve, duke marrë parasysh kundërshtarët (Andorra, Anglia, San Marino), ishte brenda pritshmërive. Ndërsa bilanci i paraqitjes së ekipit nuk ishte pozitiv, në të treja ndeshjet, sidomos në të fundit.

Vuajmë për të ndërtuar diçka kundër kundërshtarëve që duhet t?i ?zbërthesh?. Kemi pak kualitete, sidomos në mesfushë, kështu që duhet të mendojmë më mirë për të ardhmen. Paraqitja në ndeshjen e fundit është larg pritshmërive tona. Mendoja që do të kishim një lojë më bindëse, akoma më spektakolare ndaj San Marinos. Gjithsesi, në këto ndeshje morëm 6 pikët dhe në futboll ato mbahen mend.

Trajneri dhe stafi i tij duhet të mendojnë për miqësoret me Uellsin dhe Çekinë, para ndeshjeve zyrtare me Poloninë dhe Hungarinë. Duhet të përgatitemi shumë mirë për të arritur objektivin tonë, që është vendi i dytë dhe i tretë?, theksoi Duka.





Lajmet e fundit nga