E fundit!

22:15 Politikë

Berisha mund të rikandidojë për kryeministër?/ E tregon deputeti demokrat

Deputeti demokrat, Belind Këlliçi, komentoi sot qëndrimin ...

"Nuk ka çështje Kamberi", Reja: Duhet të bëjmë një hap të rëndësishëm

30 Mars 2021, 16:22, Sport CNA

Trajneri Edi Reja e ka nisur konferencën në prag të sfidësme San Marinon duke u dnalur te ajo çfarë raportohet në media, se Florin kamberi ka braktisur grumbullimin me kuqezinjtë. Trajneri është ndier keq dhe sipas tij nuk ka çështje Kamberi në skuadër. ?Çështje Kamberi? Kush ka publikuar lajme duhet të turpërohet se nuk është aspak e vërtetë dhe më vjen keq nuk janë të vërteta. Nuk e di se kush i thotë këto. Bëmë ekografi e nuk ka treguar probleme, ai ndjeu dhembje dhe mjeku tha që mos të stërvitet. Para Anglisë, ai hyri në fushë për nxemje, doli e tha se kishte dhimbje e si rrjedhojë mbeti jashtë. Nuk e di pse lindin këto situata, me çfarë ideje se më vjen keq. Në fund gjithsecili të bëjë çfarë të dojë, por humb besimin kur flet kështu, kam marrë 27-28 lojtarë e mund të luajë kushdo. Pastaj zgjedhjet janë të ndryshme, duhet të zgjedhe se kush është mirë në fund, nuk do të krijoj probleme ndaj lojtarëve duke insistuar që të luajnë të ndryshëm. Kamberi erdhi këtu me ne, por tani do të shkojë në klubin e tij që të kontrollojë gjendjen e rikuperohet?.

?Kur humb të vjen keq, por duke marrë parasysh paraqitjen që ne bëmë, në planin mbrojtës, ndryshe nga sa ishte programuar bëmë pak në mesfushë e lart te ajo hapësirë që na lejuan. Por, ata nuk gjuajtën për 35 minuta në portë, e gjetën golin se kanë lojtarë të rëndësishëm. Paraqitja mbetet e mirë, duke pasur parasysh kundërshtarin. Por është e mirë se ekziston ndërgjegjësimi që mund të jemi konkurrues në këtë turne?.

?Mundësitë janë për të gjithë, sot kemi bërë vetëm rikuperim, e gjithashtu, sot do të bëj vlerësim në stërvitje dhe nesër do të flas me mjekun e përgatitësin për gjendjen. Tani kam aktivë 23 lojtarë dhe do të shoh nesër. Nuk mendoj se do të bëj eksperimente, do të mundohem të hedh në fushë skuadrën më të mirë të mundshem.

Po, nesër luan Strakosha se kam dy lojtarë të fortë të dy. Kam luksin e zgjedhjes e më vjen keq të lë jashtë ndonjërin dhe mundohemi të lë jashtë njërin apo tjetrin, aty jam i qetë. Ndaj do të luajë Strakosha nesër. Kur nuk është Berisha, është Hysaj kapiten që e ka bërë edhe më parë.

San Marino është një skuadër shumë e organizuar, e njoh trajnerin Varela dhe di cilësitë që ka se e njoh prej kohësh. Duhet të jemi të vëmendshëm se skuadra punon mirë jo vetëm në mbrojtje por edhe me kundërsulme, ndaj duhet të jemi të kujdesshëm. Ne pastaj do të luajmë, varet nga kush luan e karakteristikat e njërit e tjetrit, do të hedh në fushë lojtarët që janë më mirë fikzikisht. Pastaj do të shoh edhe zgjedhjet sa i përket modulit të lojës. Modulin e japin lojtarët, e rëndësishme është që ekipi të jetë i ekuilibruar në të dy fazat, shpresoj që të bëhet më shumë se ndaj Anglisë në praninë në zonën e kundërshtarit dhe uroj që të ndodhë.

Në sulm janë 4 lojtarë, do të zgjedh kush është më mirë. Është vlerësim i situatës, jo se nuk dua ta them se kush luan. Do i shoh sot e nesër, do të shoh vlerësimin fizik e psikologjik para se të marr një vendim. Dy luajnë, dy do të rrinë në pankinë. Në këto ndeshje janë të rëndësishëm shpesh ata që aktivizohen si zëvendësues.

Nëse Gjimshiti luan në qendër, ka më pak mundësi për të dalë para, por nëse luan në krah ka më shumë mundësi që të dalë para ei te Atalanta. I them mbrojtësve që nuk duhet të qëndrojnë aty mbrapa, por edhe të krijojnë lojë, apo të dalin para. Ne kemi shpesh mangësi në planin e personalitetit se edhe mbrojtësit duhet të marrin pjesë në lojë e të depërtojnë, janë situata që i provojmë në stërvitje. Por për të bërë aksione duhet stërvitur shumë në lëvizje, ndërsa ne nuk kemi kohë e nuk mund të bëjmë shumë stërvitje të tilla, mund të flasim vetëm teorikisht. Ne zakonisht kemi 5 lojtarë, me 4 në zonë e një në krah. Kur ke kaq shumë në zonën kundërshtare do të thotë se skema funksionon. Pastaj janë edhe mesfushorët. Gjimshiti është prej atyre që kur del para mund të jetë i rrezikshëm. Nuk i them të qëndrojë mbrapa, i them të bëjë lëvizje, të dale para e pse jo të shënojë. Pastaj të gjithë mendojnë se San Marino është skuadër e lehtë, nuk ka ndeshje të lehta sot, nuk ekzistojnë, Duhet të përballesh me shumë përqendrim se nuk ka ekipe me të cilat fiton lehtë, janë të gjithë të organizuar. Kemi parë Andorrën që mund të të vërë në vështirësi, mund ta bëjë edhe San Marino, ne duhet të bëjmë ndeshjen tonë me përqendrim.

Kemi rënë në një grup të fortë, njohim forcën e kudërshtarit. Por po rritemi, kemi filluar të kemi ndërgjegjësim por duhet të bëjmë ndonjë hap të rëndësishëm. Por ky grup do të na japë ndërgjegjësimin se ku kemi arritur. Janë ndeshje të rëndësishme dhe dëshiroj një rritje konstante, se me Anglinë apo kur të luajmë me Poloninë apo Hungarinë, do të na japë mundësinë të kuptojnë ku jemi. Janë eksperienca të rëndësishme për ne dhe për lojtarët?, tha Reja.