web counter
LEXO PA REKLAMA!

SHKARKO APP

App Store
Google Play

E fundit!

x

“PS kërcënon njerëzit me bukën e gojës”/ Gazmend Bardhi: Gjendja në Gramsh është mizerable

28 Mars 2021, 15:26, Politikë CNA

Kandidati për deputet i PD në Elbasan, Gazmend Bardhi ka vijuar sot fushatën elektorale në qytetin e Gramshit.

Sipas Bardhit, varfëria në fshatra është në nivele mjerane, dhe shton se qeveria e ka në politikë që të varfërojë njerëzit duke i kërcënuar me ndihmë ekonomike.

Kandidati thekson, se qytetarët nuk kanë marrë asnjë lek nga fondi që ka akorduar qeveria, duke treguar që nga ajo kanë përfituar njerëzit e kryeministrit Edi Rama.

?PS paraqitet me fytyrë të re tek ju, por logon e kanë të vjetër. Varfëria në fshatrat e Gramshit në nivele mjerane. Gjendja në fshat sot është mizerable. E kanë politikë që të na varfërojnë sa më shumë, se duke i varfëruar, mendon se do i blejë njerëzit me thes mielli ose i kërcënon me ndihmë ekonomike. PS kërcënon njerëzit me bukën e gojës.

Socialistët ndihen të braktisur, edhe për faktin se kanë besuar këtë qeveri. Nëse unë dhe PD nuk mbajmë premtimet, mos na votoni në mandat të dytë. Nuk keni marrë asnjë lekë nga fondi që ka akorduar nga qeveria, ata janë marrë nga 5 njerëz të Ramës në qeveri. Ajo që kemi premtuar së paku jep normalitet. Më 25 prill, të nxjerrim fshatin nga mjerimi?, tha Bardhi./CNA.al





Lajmet e fundit nga