“Bashkëpunimi i LSI me Ramën është tradhti kombëtare”/ Kryemadhi bën deklaratën e fortë

28 Mars 2021, 14:39, Politikë CNA

Kryetarja e Lëvizjes Socialiste për Integrim Monika Kryemadhi ka folur sot për mundësinë e një bashkëpunimi me PS dhe Edi Ramën.

Kryemadhi tha se të bashkëpunosh me një njeri që sipas saj ndien neveri dhe urrejtje për vendin dhe popullin e tij do të ishte tradhëti Kombëtare.

?Bashkëpunimi i LSI me Edi Ramën është tradhti kombëtare. Të bashkëpunosh me një njeri, i cili ndien neveri për vendin e tij, për një njeri që ndien urrejtje për popullin e tij, për një njeri i cili i ngre zgupthi qytetarët e vet për t?i larguar nga Shqipëria, normal që çdo bashkëpunim me Edi Ramën do të ishte tradhti kombëtare, tha Monika Krymadhi.

Ajo shton se koalicioni PD-LSI është një energji të rinjsh dhe të rejash, të cilët janë e ardhmja e këtij vendi, që kanë dëshirën dhe shpresën për ta ndërtuar këtë vend.

?Ne kemi një koalicion parazgjedhor midis Partisë Demokratike dhe një partie të majtë, që është LSI, e cila nuk është më thjesht një strukturë me katër deputetë, por është një strukturë e cila është realitet politik dhe mund t?ju them që është edhe shumë më shumë se një forcë politike. Është një energji e pashtershme të rinjsh dhe të rejash, të cilët janë e ardhmja e këtij vendi, të cilët kanë dëshirën, ëndrrën dhe shpresën për ta ndërtuar këtë vend, tha Kryemadhi.

Në një intervistë me ABC, kryetarja e LSI theksoi se më e mira që duhet bërë në këtë periudhë, është fokusimi tek zgjidhja e problemeve të qytetarëve dhe jo imazhi politik I krerëve të partive politike.

?Nëse ne nuk fokusohemi tek zgjidhja e problemeve, nëse ne nuk fokusohemi tek angazhimi ynë i drejtpërdrejtë me qytetarët për të mbajtur fjalën dhe për t?u kthyer atyre shpresën dhe besimin, atëherë kjo është një betejë e humbur e jona. Çdo lider politik duhet të bëhet njësh me qytetarët, duhet të marrë përgjegjësitë e tij përpara tyre për të mbajtur fjalën dhe për të treguar se në Shqipëri vërtet ka ardhur një mentalitet i ri, në Shqipëri do të vijë një strukturë tërësisht e re dhe një klasë e re politike, që do të sjellë mendim dhe mentalitet të ri?, tha Kryemadhi./CNA.al