E fundit!

07:54 Politikë

E enjte intensive për Kuvendin/ Projektligje dhe 6 interpelanca me Ramën dhe ministrat

Kjo e enjte pritet të jetë një ditë me diskutime të shumta...

Problemet me përmbytjet në Shqipëri/ Topalli jep zgjidhje

27 Mars 2021, 21:08, Politikë CNA

Drejtuesja e Lëvizjes për Ndryshim, Jozefina Topalli ka bërë të ditur planin që do t?ju japë fund problemeve të përmbytjeve, sidomos në zonën e Shkodrës. Sipas saj, vendi ka nevojë urgjente për ndërhyrje me masa të strukturuara, me frymëmarrje afatgjatë, kundër përmbytjeve.

Topalli ka vënë në dukje edhe prerjen masive të druve përgjatë lumenjve të fuqishëm, si Vjosa, Osumi dhe Shkumbini, për t’u përdorur si dru zjarri.

Një tjetër hap i saj do të jetë edhe emergjenca e eruzionit të territorit në afërsi të lumenjëve e sidomos i vijës bregdetare.

Postimi i Plotë:

Disiplinimi i territorit dhe problemi i përmbytjeve!

Levizja per Ndryshim- (Nr 11) angazhohet për një plan kombetar strategjik me qëllim zgjidhjen përfundimtare të problemit endemik të përmbytjeve, sidomos në zonën e Shkodrës dhe displinim të detajuar të gjithë territorit të republikës të Shqipërisë.

Përmbytja më e fundit ndodhi në vitin 2015, në zonat juglindore dhe jugore të Shqipërisë. Përgjatë një periudhe 3-ditore, nga 1 deri më 5 shkurt 2015, pati 200 mm reshje shiu, duke shkaktuar dëmtimin e 10 000 ha tokë bujqësore në qarqet e Vlorës, Fierit, Lushnjës, Beratit, Korçës dhe Gjirokastrës. Nënsektori i kulturave bujqësore ishte ai që u prek më shumë, duke pësuar humbje shumë të mëdha, veçanërisht në kulturat e foragjereve, të ndjekura nga dëmet në serat e prodhimit të hershëm të perimeve, frutave dhe pemishteve.6

Paqëndrueshmëria e tokës në Shqipëri ndodh kryesisht pas reshjeve të dendura të shiut ose borës. Shpesh ndodhin lloje të ndryshme rrëshqitjesh të tokës, si rrokullisjeje të shkëmbinjve, shembje apo depozitime nga vërshimet. Shpyllëzimi, si edhe administrimi dhe përdorimi i papërshtatshëm i tokës, konsiderohen si shkaqet kryesore të rritjes së nivelit të ujërave nëntokësorë në zonat e ulëta dhe të ndodhjes së rrëshqitjeve të tokës.

Në veçanti, shpyllëzimi nga prerja masive e pemëve përgjatë lumenjve të fuqishëm, si Vjosa, Osumi dhe Shkumbini, për t’u përdorur si dru zjarri dhe në ndërtimin e godinave apo të digave, solli humbjen e një mase të madhe të shtresave të sipërme të tokës, gjë që përkeqësoi ndikimin e përmbytjeve dhe rrëshqitjeve të dherave. Përveç kësaj, strukturat për mbrojtjen nga përmbytjet, argjinaturat dhe digat e rezervuarëve, janë disi të vjetra dhe jo të mirëmbajtura.

Nevoja urgjente për të ndërhyrë me masa të strukturuara, me frymëmarrje afatgjatë, kundër përmbytjeve është një prioritet që nuk mund të shtyhet pafundësisht apo të trajtohet me masa zbutëse të momentit, sikur është vepruar deri tani. Trajtimi i këtij problemi nuk duhet parë në optikën e një kostoje por të një investimi strategjikë të integruar për zhvillimin qëndrueshëm të potencialeve të territoreve të përmbytura.

Specifika e kontekstit shqiptar me ndërtimet masive e pa kriter, të cilat kanë shpërfillur hartën e rrezikut të përmbytjeve të shtetit shqiptar, që u afirmua pas viteve ?90, dikton nevojën e qartësimit me trasparencë të fenomenit të përmbytjeve dhe masave drastike që duhen marrë. Për këtë arsye, sensibilizimi, komunikimi i përgjegjshëm me qytetarët që janë instaluar në zonat e rrezikut apo të kërcënuara prej përmbytjeve dhe gjetja e rrugëdaljeve konstruktive për kapërcimin e situatës, do të jetë qasja e ndërmarrë nga Lëvizja për Ndryshim.

Ngritja e grupit të punës me ekspertë vendas dhe të huaj në fushën e hidroteknikës dhe bonifikimit, është hapi i parë i një faze studimore të hollësishme të problemit të përmbytjeve dhe gjetjes të zgjidhjes më optimale për ta adresuar këtë plagë shoqërore drejt zgjidhjes përfundimtare. Në zonën e Shkodrës, shtrohet nevoja e një rakordimi të rreptë me menaxhimin e kaskadës të Drinit, ku janë të ndërtuar hidrocentralet, shkarkimet e pa koordinauara të cilëve kohët e fundit, kanë qenë një pjesë e mirë e shkakut të përmbytjeve në zonën fushore të Shkodrës dhe Lezhës.

Një problem tjetër që do të adresohet me përparësi, është emergjenca e eruzionit të territorit në afërsi të lumenjëve e sidomos i vijës bregdetare, e rënduar nga ndërtimet dhe keqëmenaxhimi i hapsirave publike. Deri tani, asnjë masë nuk është marrë, madje as në nivelin e sensibilizimit qytetar në lidhje me rrezikun e erozionit e kënetizimin e tokave bujqësore. Administrimi i qëndrueshëm dhe i integruar i burimeve natyrore dhe krejt ekosistemit, do të ketë impakt të drejtpërdrejtë në sistemimin harmonik të territorit shqiptar.

Dokumentat ad hoc strategjik që do të realizohen për menaxhimin e situatave të përmbytjeve, të bazuara në kriteret e parandalimit e mbrojtjes të territorit, do të inkorporojnë në brendësinë e tyrë të gjitha rekomandimet e frymën e direktivës europiane 2000/60/CE.

Levizja per Ndryshim ka vullnetin politik për ta bërë realitet të prekshëm angazhimin e zgjidhjes të problemit të përmbytjeve dhe ushtrimit të sovranitetit të plotë rregullues e displinues mbi territorin shqiptar.

Sigurimi

Të krijohet programi i edukimit/ndërgjegjësimit, që përfshin kompanitë e sigurimeve dhe MBZHRAU, për rritjen e ndërgjegjësimit midis fermerëve dhe bizneseve bujqësore mbi rëndësinë e investimeve parandaluese dhe mënyrën e funksionimit të sigurimit bujqësor;

Të krijohet një politikë kombëtare e sigurimeve bujqësore, e cila parashtron rolet dhe përgjegjësitë e të gjithë aktorëve përkatës dhe mundëson mbledhjen e të dhënave dhe raportimin mbi përfituesit bujqësorë dhe efektet në sektor;

Të theksohet nevoja për rritjen e përdorimit të sigurimeve në të gjithë shoqërinë shqiptare si një formë e reduktimit të rrezikut persona./ CNA.al