E fundit!

07:34 Kosova & Bota

Dy tërmete të frikshme goditën vendin/ Trump: SHBA-ja është gati të ndihmojë Venezuelën

Presidenti i Shteteve të Bashkuara, Donald Trump, deklaroi...

Studimi/ Një dozë vaksine, e mjaftueshme për grupet që e kanë kaluar Covid natyralisht!

20 Mars 2021, 09:10, Lifestyle CNA

Nga Dr. Blerta Brati, mjeke mikrobiologe pranë ISHP

Jane rezultatet e dy para-studimeve që raportojnë se njerëzit që tashmë janë infektuar me Covid-19 zhvillojnë një nivel shumë të lartë të antitrupave pas një doze të vetme të një vaksine ARNm.

1Rezultatet e studimit të parë, të kryer nga studiues nga Neë York dhe Paris, u postuan në internet në 29 Janar.

Shkencëtarët vëzhguan përgjigjen imune të 109 njerëzve qe u vaksinuan me vaksinen ARNm-së kundër Covid-19 me një dozë e vetme. 68 prej tyre nuk kishin pasur kurrë Covid-19, 41 ishin infektuar me pare. Grupi i parë shfaq “përgjigje të ndryshueshme dhe relativisht të dobëta imune brenda 9 deri në 12 ditë të vaksinimit”, ndërsa i dyti, “zhvillon antitrupa me shpejtësi në ditët pas vaksinimit”, dhe në përmasa shumë më të larta.

Kështu, studimi vë në dukje një sasi të antitrupave “10 deri në 20 herë më të larta” tek njerëzit e vaksinuar me një dozë të infektuar tashmë, krahasuar me atë të matur tek njerëzit e painfektuar . Një sasi që madje mund të tejkalojë atë të njerëzve të painfektuar, por të vaksinuar dy herë. Sidoqoftë, studimet pasuese do të duhet të tregojnë nëse ky hendek mbresëlënës vazhdon me kalimin e kohës.

2Këto vëzhgime mbi reagimin e pacientëve tashmë të imunizuar natyrshëm ndaj vaksinave të ARN-së u bënë gjithashtu në një studim më të vogël nga Universiteti i Maryland (Shtetet e Bashkuara), rezultatet e të cilit u postuan në internet më 30 janar.

Nga 59 punonjës të kujdesit shëndetësor të vaksinuar, personat që ishin infektuar tashmë treguan nivele më të larta të antitrupave sesa ata që nuk ishin infektuar.

Përfundimet e tyre inkurajojnë një ndryshim në politikën e vaksinave, sepse “dhënia këtyre njerëzve vetëm e një dozë vaksine nuk do të ndikonte negativisht në nivelet e antitrupave të tyre, dhe do te eleminonim dhimbjen e panevojshm nga doza II.”

Pacientët që kanë rezultuar pozitiv për Covid-19 “mund të vendosen më poshtë në listën e përparësisë së vaksinimit”, shkruan studimi i Maryland.

Disa imunologë i shohin këto rezultate interesante, ndërsa dozat e vaksinave vonohen në vende të ndryshme.

Njerëzit që kanë kaluar Covid-19 duket se “reagojnë ndaj dozës së parë sikur të ishte një dozë e dytë”!! Prandaj, një dozë është ndoshta “më se e mjaftueshme”!

Por si gjithmonë në mjeksi me shume se kudo, ka mendime pro dhe kundra!!

John Ëerry, drejtor i Institutit të Imunologjisë së Pensilvanisë, tregon për të përditshmen Amerikane se ky imunitet i vëzhguar nuk është domosdoshmërisht i fortë në të gjithë ish-pacientët dhe mund të mos jetë i mjaftueshëm ndaj varianteve të Covid-19!