E fundit!

09:05 Kosova & Bota

I nxehti përvëlon Europën Perëndimore/ Franca, Britania dhe Spanja përjetojnë temperatura rekord

Një valë e fortë të nxehti që ka përfshirë Europën Perëndi...

Zgjedhjet e 25 prillit/ Kryemadhi prezanton kandidatin për Gjirokastrën

14 Mars 2021, 08:32, Politikë CNA

Kryetarja e LSI Monika Kryemadhi është ditën e sotme në Gjirokastër, ku edhe ka prezantuar kandidatin për deputet në këtë qark.

Gjatë një takimi me strukturat, Kryemadhi shprehu bindjen se me Vangjel Tavon, Gjirokastra do të jetë fitorja e rradhës për partinë e saj.

“Ajo që dua të theksoj është tradita dhe trashëgimia kulturore që përfaqëson gjithë kjo zonë është e domosdoshme dhe vjen si rezultat i një angazhimi, sidomos i të rinjve dhe të rejave. Nuk mund të ketë vazhdimësi, histori, të ardhme, memorie, nëse të rinj dhe të reja nuk do të jetojnë e punojnë në Shqipëri. Ne mbrëmë kur erdhëm fjetëm në Gjirokastrës dhe duke diskutuar me të zotin e hotelit i cili shumë pak dhoma kishte hapur, pasi ekonomia ka rënë, situata e pandemisë ka krijuar që njerëzit të mos lëvizin. Por jo vetëm kjo, por edhe ndihma nga shteti nuk ka qenë prezentë për ta. Një nga problemet më të mëdha është papunësia, mungesa e të rinjve dhe të reja, të cilët largohen dhe mbi të gjitha mbyllja e shumë degëve në Universitetin e Gjirokastrës ku Zamira është pedagoge aty dhe e di se çfarë ndodh, siç është në Gjirokastër edhe në të gjithë qytetet e Shqipërisë, Vlorë, Elbasan, Korçë, që ka sjellë mbyllje të degëve, pasi kanë ikur të rinjtë.

Kjo vjen si rezultat i një shpopullimi të jashtëzakonshëm. Nuk na lind gjë tjetër veç një detyrë e madhe për të kthyer atë shpresë, energji pozitive të të rinjve e të rejave në Shqipëri, pse jo dhe në Gjirokastrës. Turizmi në Shqipëri nuk është vetëm në 2 muaj e verës, por duhet të jetë në 12 muajt e vitit për shkak sepse është e domosdoshme të jetojmë, punojmë, të kemi mundësi jo vetëm për një punë të thjeshtë, por të mirë paguar.

Ne jemi shumë të qartë, por edhe shumë optimistë, pasi po vij nga Dibra, Skrapari, ku energjia është e jashtëzakonshme. Njerëzit mezi po presin 25 prillin pavarësisht se presioni është i jashtëzakonshëm, tentimi për ti blerë nëpërmjet vendeve të punës me kontrata, apo nëpërmjet parave që nuk i dihet origjina nga vjen, pavarësisht qëndresa është shumë e madhe dhe ata thotë se duhet të largohen. Nuk duhet të largohen sepse përfaqësojnë një parti politike.

Ti Vangjel të quajmë minoritar ne, pavarësisht se je më shqiptar se këta që bëjnë si shqiptarë. Dashuria që kanë për qytetin dhe kjo dashuri e këtyre të rinjve dhe të rejave që po jetojnë sot në Gjirokastër, po mundohen ta mbajnë me mund dhe me djersë duhet stimuluar më shumë, ndihmuar, përkrahur nga LSI”, tha Kryemadhi./CNA.al