web counter
LEXO PA REKLAMA!

SHKARKO APP

App Store
Google Play

E fundit!

x

Meta uron Papa Françeskun/ ”Faleminderit për ndihmën dhe kujdesin ndaj popullit shqiptar”

13 Mars 2021, 16:13, Politikë CNA

Presidenti Ilir Meta nëpërmjet rrjeteve sociale ka uruar këtë të premte Papa Françeskun i cili mbush plot 8 vite në krye të Vatikanit.

Meta ka falenderuar Papa Françeskun, për mesazhet e dhëna në këtë kohë të vështirë e veçanërisht për ndihmën dhe kujdesit ndaj popullit shqiptar.

?Shenjtëria Juaj, Papa Françesku,

Me rastin e 8-vjetorit Tuaj Papnor, kam kënaqësinë e veçantë, që në emrin tim dhe të popullit shqiptar, t?Ju përcjell urimet më të mira e të përzemërta, si dhe t?Ju uroj sukses të plotë në përmbushjen me sukses të misionit Tuaj hyjnor.

Në këto kohë plot sfida që po kalon njerëzimi, mesazhet e dhëna nga Shenjtëria Juaj, janë inkurajuese për mbarë botën dhe njerëzimin, janë mesazhe shprese për të ardhmen e begatë dhe në paqe për të gjithë dhe tepër frymezuese për ta kaluar sa më lehtë edhe pandeminë, këtë të keqe më të cilën po luftojmë të gjithë.

Duke Ju falënderuar me mirënjohje për ndihmën, vëmendjen dhe kujdesin e veçantë që Ju At i Shenjtë dhe Selia e Shenjtë i kushton popullit shqiptar dhe Shqipërisë, në dobi të ringritjes shpirtërore, forcimit të harmonisë ndërfetare dhe të përpjekjeve për t?u integruar në Bashkimin Europian, si dhe me vullnetin e palëkundur për t?i forcuar e pasuruar më tej lidhjet institucionale e shpirtërore, ju lutem pranoni, Shenjtëria Juaj, shprehjen e konsideratës sime më të lartë.

Zoti ju dhëntë shëndet të mirë dhe jetë të gjatë për të mirën e njerëzimit”,shkruan Meta/CNA.al





Lajmet e fundit nga