web counter
LEXO PA REKLAMA!

SHKARKO APP

App Store
Google Play

Shpërthimi te “Komuna e Parisit”/ Kush është prokurori “i listës së zezë”që iu hodh në erë makina

11 Mars 2021, 19:25, Kronika CNA

Janë zbardhur detaje të reja nga shpërthimi i makinës mbrëmjen e sotme te ?Komuna e Parisit?.

Mjeti i shpërthyer i përket prokurorit të Prokurorisë së Përgjithshme Arjan Muça.

Makina ka shpërthyer gjatë kohës që ishte e parkuar në një qendër tregtare. Sipas dyshimeve të para dyshohet si është vëne eksploziv në pjesën e përparme të mjetit.

Arjan Muça njihet ndryshe si prokurori i listës së zezë të Ramës me 100 emra që ka publikuar kryeministri  si njerëz të korruptuar apo me sjellje jokorrekte në punë, në vitin 2017.

Nuk dihen ende rrethanat e ngjarjes , por Muçaj është në sistemin  e drejtësisë së bashku me bashkëshortes, gjyqtaren, Gentiana Mucaj.

Më herët CNA.al ka hedhur dritë mbi pasurinë e tyre.

Prokurori Z.Arjan Muçaj ushtron funksionin e magjistratit që prej vitit 2015, pasi me dekretin nr. 9127, datë 01.06.2015 të Presidentit të Republikës, është emëruar prokuror në

Prokurorinë pranë Gjykatës së Shkallës së Parë Gjirokastër, ndërkohë që më parë ka punuarsi Oficer i Policisë Gjyqësore. Nga dosja personale rezulton se ka patur një transferim si prokuror në Prokurorinë pranë Gjykatës së Shkallës së Parë Përmet, ku ka patur pozicion Drejtuesi për 4 muaj.

Ai ka një eksperiencë profesionale në punë si Prokuror rreth 5 vjet.

Aktualisht Muçaj, është caktuar në mbështetje të Grupit të Punës, për hartimin e raporteve të vlerësimit të aftësive profesionale të subjekteve të rivlerësimit pranë Këshillit të Lartë të Prokurorisë./CNA.al

 

 





Lajmet e fundit nga