web counter
LEXO PA REKLAMA!

SHKARKO APP

App Store
Google Play

E fundit!

x

Aksion për kultivimin e kanabisit/ 1833 punonjës policie në terren

5 Mars 2021, 12:03, Aktualitet CNA

Policia e Shtetit vijon kontrollet në të gjithë territorin e vendit për parandalimin e kultivimit të bimëve narkotike.

Strukturat e Policisë kanë hartuar një plan masash dhe kanë angazhuar 1833 punonjës policie të Drejtorive Vendore të Policisë dhe Drejtorive të Kufirit, të ndarë në 354 grupe kontrolli.

Njoftimi i plotë i Policisë 

Në zbatim të Planit Operacional të hartuar parandalimin e kultivimit të bimëve narkotike strukturat e Policisë së Shtetit kanë nisur  kontrollet masive në të gjithe territorin.

Për kontrollin e territorit po përdoren edhe 25 dronë që janë në dispozicion të Drejtorisë Vendore të Policisë, kamera, dylbi, 297 automjete policie dhe 4 mjete lundruese.

Janë ushtruar në total 9965 kontrolle, konkretisht:
4036 kontrolle në sera dhe minisera, 1633 kontrolle në magazina dhe objekte, 1178 kontrolle në ish-objekte ushtarake, 746 kontrolle në banesa të braktisura, 384 kontrolle në stane/stalla bagëtish dhe 1988 kontrolle në ambiente të hapura.
Si rezultat i kontrolleve në të gjithë territorin deri tani nuk janë konstatuar raste të kultivimit të kanabisit apo tentativa për të hapur toka rishtas për kultivim.
Gjithashtu janë kontrolluar të gjitha vendet e cilësuara me risk dhe vendet ku vitet e kaluara është tentuar të kultivohet kanabis.

Policia e Shtetit fton qytetarët që të bashkëpunojnë me Policinë, duke denoncuar në numrin pa pagesë 112 e Komisariatin Dixhital, çdo rast që ata konstatojë apo informacion që disponojnë në lidhje me tentativën për kultivim të kanabisit, duke iu garantuar anonimat të plotë dhe reagim të menjëhershëm e të paanshëm./CNA.al





Lajmet e fundit nga