Shqipëria fiton apo Shqipëria masakron/ Koalicioni PD-LSI “kafshon” qytetarët

3 Mars 2021, 12:05, Politikë CNA

Aleanca për Ndryshimin ka shpallur programet dhe ka folur rreth tij, ndërsa politikani Lulzim Basha përpiqet që të hiqet si një lider perëndimor dhe tregon se PD është ndryshe, nuk ka dhunë, nuk ka arrogancë, nuk ka korrupsion, nuk ka krim, ndërkohë nga ana tjetër dy personazhet kryesor të opozitës flasin me prerje duarsh, prerje gishtash, prerje kokash, janë bërë si koalicioni Bokoharam në Afrikë.

Ilir Meta në një dalje televizive në emisionin ?Frontline? dy ditë më parë tha se do u pres duart të gjithë atyre që do prekin kutitë e votimit.

?Çdo qytetar që shet votën, nuk ka të drejtë të kërkojë llogari. Ai qytetar që nuk voton, nuk ka të drejtë të ankohet për keqqeverisjen. Një votë po u prek, do pritet një dorë. Mos guxojë kush të prekë votën se do t?i pritet dora! Kjo është e qartë dhe ta marrin vesh të gjithë?, tha Meta dy ditë më parë.

Këto janë deklarata që i ka thënë edhe në vitin 2001 në kohën kur ishte kryeministër, ku bërtiste në zonat elektorale se do u priste duart atyre që prekin votat. Megjithëse ishte vetë kryeministër dhe kishte vjedhur votat me thasë dhe ishte përgjegjësi kryesor i masakrës elektorale të 2001.

Nga ana tjetër tani ka filluar flet edhe Flamur Noka. Flamuri mesa duket nuk di se çfarë të bëj tjetër dhe nga prerja e duarve ka kaluar tek prerja e gishtave.

?Burg dhe vetëm burg për të gjitha ata që abuzojnë dhe do të tentojnë t?ju nëpërkëmbin ju. Ta harrojnë! I di me emër dhe mbiemër se kush po merret, i di edhe ata nënpunësit se ku i fusin duart. Por do t?ua u presim gishtat atyre që fusin gishtat në xhepat tuaj. Kjo kohë do të marrë fund, sepse koha e vjedhjes së lekëve tuaja nuk mund të vazhdojë më. Koha e tyre ka marrë fund?, thotë Noka.

Tani këta ose janë politikanë ose janë kasapë që duan të presin duar, gishta ose kanë një problem të madh dhe duhen çuar në psikologu apo sociologu të trajtohen.

Politikë me prerje duarsh, gishtatsh, është në një anë edhe Monika Kryemadhi, është nga ana tjetër e cila gjatë kohës që u shemb Teatri Kombëtar, megjithëse e tradhtoi kauzën e teatrit tha se do i hante veshin Edi Ramës.

?Unë do ta shkel ligjin e Edi Ramës. Do qëndroj këtu sa të kemi mundësi. Unë mendoj se ky është reagimi im i momentit. Nuk i njoh ligjet e Edi Ramës. Nuk e njoh as Edi Ramën as kush është me Edi Ramën. Është territori i Shqipërisë dhe jo i Serbisë. Vetëm një serb mund të prishë Teatrin Kombëtar. Unë do t?ia ha veshin Edi Ramës. Kaq po të them!? , tha Kryemadhi.

Janë bërë të gjithë si koalicion kanibalësh me prerje duarsh, me prerje gishtash. Në vend që të japin një mesazh politik që të tërheqin qytetarët drejt kutive të votimit për t?i votuar këta fillojnë dhe kërcënojnë. Njëri ha veshët, tjetër pret duart, tjetri pret gishtat, tani presim të dal edhe ndonjë që të thotë do t?ia pres kokën./CNA.al