web counter
LEXO PA REKLAMA!

SHKARKO APP

App Store
Google Play

A do të ketë të afërm të personave me rekorde kriminale?/ Rama tregon se si do jetë e përbërë lista e deputetëve

2 Mars 2021, 12:26, Politikë CNA

Kryeministri Edi Rama në një komunikim me gazetarët është pyetur për listën e deputetëve që do të ketë në zgjedhjet e 25 prillit dhe nëse pjesë e tyre do të jenë persona të afërt me ata që janë me rekorde kriminale.

Rama theksoi se ka pasur probleme me disa individë por ata janë adresuar dhe janë vënë para përgjegjësisë, duke shtuar se interesi i tij janë vetëm qytetarët.

Duke iu referuar refiormës në drejtësi, Rama tha se ajo nuk u ndërtua nga persona me precedent penal por nga njerëz me integritet.

?Unë kam përshtypjen që kujtesa më funksionion qartë, kur them se komunizmi ka vdekur në vitin 1990, po ashtu ka mbaruar edhe gjuetia e shtrigave në këtë vit, dhe këto pyetje më duken pavend, pakuptim, pa lidhje.

Ajo që është për të ardhur shumë keq është se ndërkohë që në Kuvendin e Shqipërisë, unë kam parë dhe shoh gra shumë të zonjat, me të gjitha atributet për të qenë lartësisht të respektuara, burra krejt në rregull nga çdo pikëpamje që lidhet me këtë temë, që është bërë një këngë e padurueshme, duke kriminalizuar komplet një grup të tërë njerëzish.

Natyrisht që kemi pasur probleme me disa individë, të cilat janë adresuar , dhe natyrisht që është shumë e qartë se interesi ynë është që tiu japin shqiptarëve të zgjedhin më të mirën e mundshme, të atyre që duan të merren me politike. Është bërë shumë bajate dhe banale kjo histori, unë e kuptoj që miqtë tanë na mbështesin dhe ndaj e kërkojnë, por ne nuk duhet të bëhemi pre e gjithë kësaj baltovine ku zhysim çdo ditë njëri tjetrin.

Kush e bëri Reformën në Drejtësi, kriminelët? Kush i ka bërë të gjitha reformat, kriminelët? Kjo është e tepërt realisht, nuk kam fjalë?, tha Rama./CNA.al





Lajmet e fundit nga