E fundit!

21:26 Politikë

Balla reagon ndaj Athinës: Narta është tokë shqiptare, autoktone

Kryetari i Grupit Parlamentar të Partisë Socialiste dhe Dr...

Si i humbet opozita, mandatet e ndarë?

2 Mars 2021, 10:11, Politikë CNA

Opozita Basha-Kryemadhi vendosën të regjistrohen me dy koalicione, me justifikimin për të maksimalizuar votën, por kjo duket të jetë e pavërtetë.

Mos gjetja e gjuhës dhe mënyrës së përfaqësimit bëri që palët të marrin një rrugë pa krye dhe ndoshta të firmosin me dorën e tyre humbjen në 25 prill.
Dy lista të ndara mund të prodhojnë më shumë vota, por sjellin më pak mandate në çdo rast, dhe kjo është e qartë edhe për ekspertët e opozitës, të cilët theksojnë se, nuk kishte zgjidhje tjetër dhe ndoshta pa dashje PD-LSI ranë në grackën e ngritur nga kryeministri Rama.

Llogaritja e mandateve

Le të shohim disa shembuj, kjo edhe në bazë të votave të marra në 3 zgjedhjet parlamentare që janë zhvilluar me sistem proporcional rajonal.
Në qarkun e Korçës votat tregojnë se opozita e humbet shansin të bëjë përmbysjen me dy lista. Socialistët në zgjedhjet e vitit 2017, kanë saktësisht 62.787 vota, dhe PD 42.177 e pasuar nga LSI me 19.465 vota, dhe PDIU me 2003 vota. Në total ky koalicion sipas shifrave të 2017 do prodhonte 63.535 vota, pra më shumë se socialistët, me shansin për të përmbysur rezultatin në 6 me 5 në favor të opozitës.

Po të shohësh edhe rezultatet e vitit 2013, rezultatet tregojnë të njëjtën gjë. Sipas tabelës së mëposhtme, rezulton se PD me LSI dhe aleatët opozitarë në një koalicion do merrnin 67.278 vota ndërsa PS 63.584 vota. Nga këto të dhëna rëzulton se PS në dy zgjedhjet e fundit ka ruajtur zgjedhësit e saj, ajo që ka humbur është PD dhe rritje ka vetëm LSI.

Më dy lista të ndara ky maksimalizim i votës në qarkun e Korçës nuk siguron fitoren 6 me 5 në favor të opozitës siç duket qartë se mund të ishte me një listë.

Kuptohet opozita ka edhe favorin e 8 vite qeverisje të socialistëve dhe një rritje e opozitës në një listë të bashkuar mund të ishte shumë domethënëse.
Por, opozita ka zgjedhur dy lista, ç?ka mund të rezultojë fatale dhe kjo për shkak të dy koalicioneve.

PD të shkojë drejt votave të 2013 me aleatët e saj mund të sigurojë mandatin e 4, por që të marrë të pestin mund t?i duhen 3 apo 4 mijë vota dhe këtu ngelet. LSI nga ana e saj pretendon një mandat. Ai shkon diku tek 11 mijë vota. LSI ka 14 mijë dhe 19 mijë vota në dy zgjedhjet e fundit. Çdo votë mbi mandatin që merr LSI digjet dhe favorizon socialistët, pa folur që mund të shkojë afër pragut dhe mund të mos kapë mandatin duke djegur një thes me vota.
Si qarku i Korçës janë thuajse të gjitha qarqet e Shqipërisë, përjashto Kuksin ku LSI s?do ketë kandidat.

Dalja me dy lista të ndara edhe duke ndërtuar skema me emra brenda një listë apo duke bërë thirrje votoni këtë numër në koalicionin e PD jo listën e LSI në filan qark, thjesht do sjellë humbje votash. Analizat e shifrave tregojnë qartazi se opozita ka zgjedhur rrugën e gabuar me dy lista me pretendimin se LSi do marrë vota të majta, kur në fakt palët nuk gjetën dot gjuhën për numrin e mandatëve që duhet të merrnin secila në listat fituese./CNA.al