web counter
LEXO PA REKLAMA!

SHKARKO APP

App Store
Google Play

E fundit!

x

“Ne e mbajmë fjalën”/ Kryemadhi shpalos pikat e programit të LSI

28 Shkurt 2021, 07:57, Politikë CNA

Kryetarja e Lëvizjes Socialiste për Integrim Monika Kryemadhi përmes mesazhi në rrjetin social Facebook shpalosi disa nga pikat e programit të partisë që ajo drejton për zgjedhjet e 25 prillit.

Në videomesazhin e saj Kryemadhi thekson se shqiptarët jetojnë në një vend të bekuar nga Zoti. Duke evidentuar disa nga pikat ku do të fokusohet puna e LSI-së, Kryemadhi thekson se kjo forcë politike e mban fjalën dhe se Shqipëria është e shqiptarëve.

?Shqiptarët jetojnë në një vend të bukur dhe të bekuar nga Zoti, me malet fisnike, me fushat, detin e ajrin si askush tjetër. Por keqshfrytëzimi dhe papërgjegjshmëria e kanë ndotur mjedisin duke e bërë shpesh të rrezikshëm për jetën e njerëzve dhe një mundësi të munguar për turizmin.

Ne do të mbrojmë dhe kthejmë në normalitet ambientin, tokën, ujin dhe ajrin nga ndotja e nga zhvillimi industrial i papërgjegjshëm. Ne do të mbështesim energjinë e gjelbër dhe këdo që përdor panelet diellore për përdorim shtëpiak.

Do të reformojmë standardet e ruajtjes së energjisë në ndërtim dhe ato antisizmike, që t?i bëjmë ndërtesat më të sigurta dhe më pak të kushtueshme për shqiptarët. Do të vendosim një kontroll rigoroz për cilësinë e karburanteve dhe do të realizojmë një ulje të ndjeshme të kostos së tyre në rreth 20 % duke hequr taksën e qarkullimit. Ne e mbajmë fjalën! Shqipëria shtëpia juaj!?, shkruan Kryemadhi./CNA.al





Lajmet e fundit nga