web counter
LEXO PA REKLAMA!

SHKARKO APP

App Store
Google Play

Policia përgatitet për zgjedhjet/ Loka: Garantojmë paanshmëri, gati libri i kujtesës për efektivët

26 Shkurt 2021, 13:36, Aktualitet CNA

Gjovalin Loka, drejtori i Departamentit të Sigurisë Publike në Policinë e Shtetit ka folur për gatishmërinë e policisë gjatë zgjedhjve të 25 prillit.

Sipas Lokës, të gjitha detyrimet e Policisë po kryhen njësoj si në zgjedhjet e mëparshme.

?Ne nuk do të lejojmë dhe nuk do tolerojmë asnjë punonjës policie që këtë standard të arritur ta cenoj. Policia e Shtetit do të jetë e paanshme dhe do të jetë në krye të detyrës. Policia do të garantojë rendin dhe sigurinë për gjithë subjektet politike dhe kandidatët që garojnë në Kuvendin e Shqipërisë?, u shpreh ai.

Në intervistën për Euronews Albania, Loka tha se përkushtim i Policisë së Shtetit është vlerësuar dhe nga faktorë ndërkombëtar e vendor të cilët kanë vëzhguar zgjedhjet apo dhe nga media e subjektet politike.

?OSBE-ja është një asistente shumë e mirë e Policisë së Shtetit sa i përket procesit të trajnimit. Ata na kanë mbështetur përherë me bazë materiale dhe me asistencë qoftë dhe me personelin i cili merret me trajnimin,? ? u shpreh drejtori i Departamentit të Sigurisë Publike.

Ndërkaq, Loka përmendi dhe Librin e Kujtesës së efektivëve i cili po botohet në bashkëpunim me OSBE-në, para zgjedhjeve dhe me të cilin do të pajisen të gjithë punonjësit e policisë të aktivizuar me detyra në procesin zgjedhor.

?Çdo punonjës që është pranë qendrës së votimit ka në dorë një Libër Kujtese në të cilin janë të përcaktuar në mënyrë eksplicite detyrat e punonjësit të Policisë gjatë procesit zgjedhor?, tha ai./CNA.al





Lajmet e fundit nga