E fundit!

20:09 Politikë

Konferenca ndërqeveritare në Bruksel/ Kos: Mbyllja e tre kapitujve, moment i madh për Shqipërinë

Komisionerja europiane për Zgjerimin, Marta Kos ka përgëzu...

“Drejtësia e Shkodrës" në Vetting/ Gjyqtarët dhe prokurorët nga bëmat tek pasuritë

20 Shkurt 2021, 12:39, Vetingu CNA

Vettingu vetëm sa ka prekur në Gjykatat dhe Prokurorinë e Shkodrës.

Në Vetting deri më tani kanë dalë gjyqtarët dhe prokurorët e denoncuar nga mediat apo që kanë pasur në duar dsoje të ndjeshme.
Jashtë Gjykatës së Shkodrës, shkalla e parë e Vettingut, përkatësisht Komisioni i Pavarur i Kualifikimit, ka nxjerrë gjyqtarin Albano Çepele. KPK konstatoi se Çepele kishte mungesë burimesh për blerjen e një apartamenti. Po ashtu, KPK kishte dyshime për veprime korruptive dhe probleme me profesionalizmin.
Nga detyra është shkarkuar edhe gjyqtari Selim Kryeziu, pas problemeve me pasurinë dhe pastërtinë e figurës.

Gjithashtu edhe drejtuesi i Prokurorisë së Apelit, Brahim Dragjoshi, i cili u gjet në pamundësi financiare për ndërtimin e një shtëpie trekatëshe në tokë shtet. Komisioni evidentoi se Dragjoshi kishte kryer kundravajtje penale në zënien e truallit. Bujë në Vetting bëri prokurori Elvin Gokaj, të cilin KPK e riktheu në Shkollën e Magjistraturës, por pas apelimit nga Komisioneri Publik, Kolegji i Posaçëm i Apelimit e riktheu në detyrë. Ndërkohë Gokaj e kreu trajnimin në Shkollën e Magjistraturës.

Por, edhe për subjekte deklaruese që nuk kanë kaluar ende në Vetting janë kryer hetime, por jo nga KPK por nga ?Krimet e Rënda?. Kujtojmë se në vitin 2018 Apeli i Krimeve të Rënda urdhëroi hetimin për shpërdorim detyre dhe korrupsion ndaj tre prokurorëve të Shkodrës, mes tyre Granit Shahu, Arben Smaçi dhe Blerta Hamza.

Nuk janë vetëm kjo treshe, por edhe gjyqtarë e prokurorë të tjerë të institucioneve të drejtësisë në Shkodër, që nuk iu mungojnë bëmat si në aspektin professional ashtu edhe në atë pasuror. Pasuritë e tyre janë marramendëse si hotele, restorante, karburante, apartamente, makina, madje një prej gjyqtarëve të gjithë pasurinë e luajtshme rezulton ta ketë dhuratë, duke ngritur kështu dyshime për fshehje të të ardhurave.

Të paktë janë ata gjyqtarë dhe prokurorë në Shkodër që jetojnë vetëm me pagat dhe nëse i krahasojmë me kolegët e tyre, duket se ata janë në mjerim.
Më poshtë po sjellim shkrimet mbi pasurinë e gjyqtarëve dhe prokurorëve të Shkodrës, pa lënë mënjanë aspektin professional, në lidhje me denoncimet që janë bërë ndaj tyre qoftë në media apo në organe të tjera kompetenete./CNA.al