web counter
LEXO PA REKLAMA!

SHKARKO APP

App Store
Google Play

E fundit!

x

Të dielën nis vaksinimi i personaliteteve/ Alfred Moisiu tregon ditën dhe orën kur do marrë dozën e parë

18 Shkurt 2021, 20:08, Aktualitet CNA

Kryeministri Edi Rama njoftoi sot nga Vlora se të dielën do të nisë në Shqipëri vaksinimi i kategorisë së personaliteteve, mbi 80-vjeç, ndërsa nuk dha detaje se mbi çfarë kriteresh janë përzgjedhur emrat që do të marrin dozat.

E ndërsa ende nuk dihet lista e plotë, mësohet se pjesë e saj do të jetë edhe ish-presidenti Alfred Moisiu, 92-vjeç. Në një prononcim për Abcneës.al, ish-kreu i shtetit e konfirmoi faktin që ministria e kishte njoftuar. ?Po, më ka njoftuar, ditën e diel në orën 09:30 për të bërë vaksinën te stadiumi ?Air Albania? tha ai.

Por a do të pranojë të vaksinohet? ?Po, sigurisht? tha ai. Alfred Moisiu vlerëson vendimin e qeverisë. ?Duket se kanë vendosur drejt, pasi mosha jonë, sikur thotë populli një ?saçme kërkon?. Është moshë që e përballon me vështirësi një sëmundje të tillë. Mendoj që është vendim i drejtë?.

Ish-presidenti kritikon qytetarët për faktin që nuk respektojnë masat anti-covid, por edhe partitë politike që po i shkelin në takimet elektorale. ?Populli është i padisiplinuar, rrinë pa maska, që është një mjet i domosdoshëm për t?u mbrojtur.

E dyta distanca nuk mbahet. Shikoj edhe veprimtaritë politike që shkelen me të dyja këmbët, është shembull shumë negativ, duhet dënuar me rreptësi? tha Alfred Moisiu./CNA.al





Lajmet e fundit nga