E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

"Kuli shkoi të godasë i pari", Laçi akuzon: Nuabuezen e vunë poshtë 13 vetë

16 Shkurt 2021, 10:29, Sport CNA

Klubi i Laçit, pasi ka vendosur të pezullojë Kirian Nuabuezen dhe pret vendimin e Disiplinës për dënimin e tij, tani pret që edhe klubi i Bylisit të dënohet rëndë për ngjarjet në Ballsh. Menaxheri i skuadrës, Dario Pali, deklaroi në ?Pressing? se ashtu si gjesti i sulmuesit, i papranueshëm ishte edhe ai i ballshiotëve, të cilët ai i cilëson problematikë sa herë që skuadra kurbinasë udheton drejt atij qyteti.

?Klubi vendosi të dënojë Nuabueze. Do flas më specifikisht, isha në stadium. Ky lloj incidenti e kishte një arsye. Sa herë luan Laçi atje ka shumë presion. Lojtarët e Bylisit, 15 minutat e para në çdo faull shkonin të gjithë tek arbitrit. Ndoshta e keqmenaxhoi, duke mos e ulur ritmin e tyre. Nuk lejohet as me protokoll sanitar, maksimumi shkon kapiteni për ndonjë rast. Gjithë kohën shkonin tek ai dhe nuk kishte asnjë të verdhë.

Arbitri e keqmenaxhoi, ishte pa eksperiencë. Ndoshta jo qëllimisht, por ishin dy penallti që bënin që situata të mos shkonte në atë pikë. Gjithë ndeshjen Nuabueze është sulmuar, sharjet kanë qenë prezente. Janku dhe Carkanji e kanë ofenduar gjithë kohën, madje ka pasur edhe goditje pas shpine. Ne e kemi marrë vendimin ndaj tij, e kemi dënuar.

13-14 vetë që ishin kundër Nuabueze. Dëgjoj zëvendëstrajnerin e Bylisit që thotë që kam shkuar të ndaj, por është i pari që e godet. Ata e godasin poshtë, serbi, dhe një pjesëtar tjetër, zëvendëstrajner a mjek, çfarë është. Ata e kanë vënë poshtë dhe e godasin.

Klubi i Bylisit të mos bënte vetëgjyqësi, t?ia linin organeve ta dënonin Nuabueze. Nuk kanë pasur probleme kur kanë ardhur tek ne, kur shkojmë ne atje ndodh ndryshe. Nuabueze e kishte të akumuluar, e provokojnë në çdo ndeshje.

Klubi ynë është distancuar nga gjestet antisportive, kemi pezulluar lojtarë edhe për në stërvitje. Jemi pro futbollit të bukur. Vjet fituam çmimin ?fair play? dhe nuk ishte rastësi. Ia kemi lënë organeve të vendosin për Nuabueze. Ai ka pasur dëshirë të qëndrojë me ne, pasi mendonte se mund të fitonim diçka në fund të sezonit?, tha Dario Pali.