web counter
LEXO PA REKLAMA!

SHKARKO APP

E fundit!

x

Orges Shehi dyshohet se është infektuar me COVID-19

16 Shkurt 2021, 09:09, Sport CNA

COVID-19 mbetet një shqetësim real për ekipet e futbollit, të cilat menjëherë kthehen në vatra të virusit nëse konfirmohet që brenda tyre ka të infektuar. Së fundmi, ankthi i COVID është bërë prezent te Tirana, duke qenë se në stërvitjen e fundit ka munguar trajneri Orges Shehi.

Durrsaku ka qenë me temperaturë dhe në këtë formë ka qëndruar në shtëpi, ndërsa sot pret të marrë përgjigjen e tamponit. Te kryeqytetasit, shpresojnë që Shehi të mos ketë asgjë dhe thjesht të jetë i ftohur, pasi në takimin e fundit në kampionat iu desh të qëndronte gjithë kohën në shi dhe kjo mund të ketë sjellë pasoja.

Por, te Tirana nuk presin vetëm përgjigjen e Shehit, por edhe atë të trajnerit të portierëve, Alfred Osmani. Ky i fundit, prej disa ditësh mungon në stërvitje si pasojë e temperaturës.

Po ashtu edhe Torasa ka pasur të tilla probleme, megjithatë përgjigjet nga tamponët në ditën e sotme do të sqarojnë të gjithë situatën. Kujtojmë se ditë më parë te Tirana ishte i infektuar Refik Halili, megjithatë presidenti e kaloi dhe ishte prezent për të ndjekur nga afër skuadrën në ndeshjen me Kukësin.





Lajmet e fundit nga