web counter
LEXO PA REKLAMA!

SHKARKO APP

App Store
Google Play

E fundit!

x

“Varfëri e skajshme dhe papunësi e lartë”/ Këlliçi krah qytetarëve: Duhet vepruar menjëherë!

13 Shkurt 2021, 10:47, Politikë CNA

Kryetari i Forumit Rinor të Partisë Demokratike Belind Këlliçi ka zhvilluar një takim me banorët e ?Rrugës së Qelqit??, në zonën e Kombinatit.

Këllici ngre shqetësimin për faltin se mbeturinat digjen pranë banesave dhe tufat e deleve ushqehen me plastikë e plehra. Sipas tij, kjo zonë është tejmase e varfër, pa rrugë e me shkëputje të shpeshta të energjisë elektrike.

Këlliçi thekson se shteti nuk mund të fshihet ende pas gishtit, por duhet vepruar menjëherë.

?U takova me banorët e Rrugës së Qelqit. Disa javë më parë, bashkë me të rinjtë e FRPD, ndërmorrëm një aksion pastrimi në këtë zonë, pikërisht në rr. “Jorgo Panajoti”, ku mbeturinat digjen pranë banesave dhe ku tufat e deleve ushqehen me plastikë e plehra.
Ndonëse afër landifillit të Sharrës, këtu plehrat në rrugë janë kapicë. Kjo zonë është tejmase e varfër, pa rrugë e me shkëputje të shpeshta të energjisë elektrike. Shumë biznese kanë falimentuar. Taksat e larta, pandemia dhe dëmet e termetit janë bërë bashkë.
Rreth 70 familje janë me shtëpi të padokumentura.
Banorët e zonës e vënë theksin te varfëria e skajshme dhe papunësia e lartë. Problemet këtu janë të dukshme. Shteti nuk mund të fshihet ende pas gishtit. Duhet vepruar menjëherë!
E gjithë zona në Rrugën e Qelqit s’mund të trajtohet si ghetto! Ky realitet duhet ndryshuar e kohë për të humbur nuk ka. Problemet zgjidhen kur pranohen e jo kur mbulohen me propagandë. 6 vjet në krye të bashkisë, Veliaj flet për të shkuarën, ndërsa banorët jetojnë në të tashmen, në vitin 2021. Ata duan ndryshim dhe ndryshimi do të vijë?, shkruan Këlliçi./CNA.al





Lajmet e fundit nga