E fundit!

21:59 Politikë

Zgjedhja e strukturave drejtuese të PD-së/ Nis numërimi i votave në selinë blu

Ka nisur procesi i numërimit të votave për zgjedhjen e str...

Mezani tregon cili është presidenti më ekspert në Kategorinë Superiore

12 Shkurt 2021, 07:59, Sport CNA

Gentian Mezani njeh mirë skuadrën e Laçit ku ka drejtuar dy sezone më pare. Tekniku vlonjat, i ftuar në studion e ?Pressing?, shprehu bindjen e tij se ekipi kurbinas ishte mes pretendentëve të forte për titullin dhe paralajmëroi se të gjithë duhej t?i druheshin atij ekipi, sidomos me përbërjen që ka e me kë ka në drejtim.

?Kjo situatë e bën të bukur garën e kampionatin se duke mos ditur se kush do të dalë, bëhet më e rëndësishme për t?u parë çdo ndeshje. Duke qenë skuadrat shumë afër njëra-tjetrës pastaj çdo lojë bëhet vendimtare.

Vllaznia deri tani ka bërë një kampionat të mirë, deri para këtyre dy ndeshjeve, mund të thosha që është ndër më të mirat fizikisht, se duke shënuar në fund përqendrimi ka qenë maksimal dhe gjendja shumë e mirë.

E kam ndjekur në Ballsh kur shënoi në fund. Ndoshta në këto të fundit ka ndjerë lodhje dhe është momenti jo, si e kanë të tjera dhe padiskutim do ta ketë edhe Vllaznia. E rëndësishme është të ringrihet, ka një ndeshje në letër ku mund të kthehet te fitorja. Duke parë edhe me kë luajnë të tjerët, do të bënte mirë të fitonte në çdo mënyrë këtë lojë dhe të krijonte distancën.

Ka një ritëm më të lartë Partizani, edhe Laçi ka treguar se është për t?u vlerësuar e pse jo edhe për titull. Mendoj se edhe Laçi është futur për titull, duke parë investimin. Janë këto tre skuadra mendoj; edhe pse lufta do të jetë deri te Kukësi, por bashkë me Teutën këto janë tre skuadrat që do t?i bëjnë më shumë presion Vllaznisë. Partizani me këta lojtarë që ka patur ka bërë shumë mirë, në momentin që do të vijnë edhe të janarit, do të jetë më i fortë.

Me këtë fitore të fundit Laçi ka hapur kampionatin dhe ka hapur oreksin e vet. 9 pikë nuk janë pak dhe është një diferencë e madhe, tashmë jemi 6. Po të fitonte Vllaznia, për Laçin nuk do të ishsim duke folur kështu se do të ishte 12 pikë larg.

Unë kam qenë trajner dhe e njoh mentalitetin, Laçi futet gjithmonë për të kapur Kupat e Europës. Por duke qenë me një skuadër shumë të mirë me ambiciet që kanë tashmë do të synojnë deri në fund dhe do të mundohen të gabojnë sa më pak. Presidentin e ka ekspert, njeh kampionatin. Trajnerin e ka një ekspert më vete se njeh kampionatin shumë mirë, është një skuadër që duhet ta kenë frikë ekipet e tjera?, tha Mezani.