E fundit!

12:39 Aktualitet

“Vrasja e efektivit duhet të hetohet”/ Berisha akuza Hitës: Në vend të dorëheqjes kërkon të mbrojë karrigen e tij

Kreu i PD-së Sali Berisha ka kërkuar hetim të thelluar në ...

Gega: Më vjen keq për investimin e Gjicit, Josa është kampion

12 Shkurt 2021, 06:49, Sport CNA

Skënder Gega ka lënë pas zhgënjimin për mënyrën se si vendosi të ndërpriste aventurën e tij te Kukësi. Trajneri ka treguar për ?SuperSport? se ajo lamtumirë ka ardhur si pasojë e përgjegjësisë që ndjente për mungesën e disa rezultateve dhe jo për shkak të presioneve nga klubi.

Gega ka folur edhe për Partizanin, por nuk pranon krahasime mes skuadrës së tij dhe asaj që drejtohet nga Daja. Por ndërkohë, nuk ka kursyer një thumbim për lojtarët që vijnë nga jashtë, të cilët sipas tij nuk sjellin asnjë përfitim për klubet dhe se këta të fundit duhej të fillonin të hidhnin sytë nga akademitë.

?Ishte një aventurë që për mua ishte e mirë pasi kam kaluar shumë mirë në atë klub. Rezultatet janë gjithmonë pjesë e punës së një trajneri. Ne erdhëm pas fillimit jo të mirë, skuadra fitoi 5 ndeshje. 3 ndeshjet e fundit, dy humbëm dhe një barazim që nuk e prisnim. Në çdo moment një trajner duhet ta shikojë situatën ashtu siç është. Besoj se një lider duhet të marrë përsipër përgjegjësitë, klubi nuk më ka bërë asnjëherë presion.

Ardhja e Josës besoj se është shumë pozitive. Është trajner kampion, është kohë e gjatë e skuadra ka mundësi për të reaguar pasi lojtarët janë ata që luajnë në fushë. Jam i sigurt që do të bëjnë mirë si Kukësi ashtu edhe Josa.

Unë, po të kisha diçka në dorë, do të bëja që investimet të bëhen te lojtarët shqiptarë. Nëse të huajt nuk e bëjnë diferencën është më mirë që klubet të punojnë me akademitë, pasi ka talente ku klubet mund t?i shikojnë si të ardhura. Pjesa më e madhe e të huajve kanë ardhur dhe nuk kanë sjellë asnjë përfitim.

Partizani aktual? Është e pamundur të bësh paralelizma me Partizanin e dy viteve më parë. Kishim lojtarë me karakter të fortë dhe me eksperiencë. Gabuam shumë pak, 5 ndeshje gjatë sezonit dhe ndryshimi me këtë sezon është se nuk ka mbaruar akoma. Besoj dhe mendoj se Partizani është në rrugën e duhur.

Demi dhe Gjici? Janë të ndryshëm. Për fat kam punuar me të dy dhe kam pasur marrëdhënie shumë të mira me të dy. Me Demin u realizuan të gjitha objektivat. Me Gjicin kam pasur respektin dhe mbështetjen e tij. Edhe kur u largova, ai insistoi që të qendroja, më vjen keq për Kukësin dhe për investimin e presidenit Gjici, që nuk ka shkuar siç duhet.

Kam pasur kontakte me disa skuadra, por unë e kam të pamundur, të paktën këtë sezon, që të drejtoj një tjetër skuadër, pasi jam larguar nga Kukësi?, tha trajneri në fjalët e tij.