web counter
LEXO PA REKLAMA!

SHKARKO APP

App Store
Google Play

E eliminoi nga Kupa, Pirlo provokon Interin

10 Shkurt 2021, 10:15, Sport CNA

Juventus ia doli të prekë finalen e Kupës së Italisë mbrëmjen e djeshme teksa e mbylli në barazim 0-0 sfidën ndaj Interit. Bardhezinjtë kishin triumfuar 1-2 në ndeshjen e parë dhe kështu kanë mundësi të luftojnë për trofeun. Sakaq, takimi kishte shumë ritëm dhe emocione, ndërsa lufta e ashpër sportive, por edhe tensioni mes presidentit Andrea Anjeli dhe teknikut të zikaltërve Antonio Konte, e shtoi më shumë tensionin mes dy kampeve.

aKështu, në deklaratën e tij pas ndeshjes, trajneri Andrea Pirlo vendosi të provokonte disi duke theksuar se më i miri në fushë për Interin ishte portiere Handanoviç, duke hedhur poshtë pretendimin e zikaltërve se në fushë ata ishin më të mirët. Ndër të tjera, Pirlo pranoi me kënaqësi edhe krahasimin me Alegrin.

?Ishim shumë të zotët, Inter thuajse nuk goditi asnjëherë dhe më i miri për ta ishte Handanoviç. Është një finale të cilën e meritojmë ta luajmë, e arritur ndaj një skuadre të madhe si Interi. Zënka mes Anjelit dhe Kontes? Nuk e pashë, u futa në dhomat e zhveshjes se kisha mendime të tjera.

Duket si Juventusi i Alegrit? Më pëlqen krahasimi, aq më tepër nëse duhet të fitoj më pas edhe ato që ai ka fituar? Tani do të pushojmë dhe do të kthehemi të përgatisim ndeshjen ndaj Napolit. Nuk kemi bërë ende asgjë, kemi shumë objektiva përpara. Mbrojtja? Kam fatin të kem katër mbrojtës shumë të fortë, kanë punuar shumë dhe e kanë kuptuar mënyrën tonë të të mbrojturit. Pak nga pak duken përmirësimet?, u shpreh Pirlo.





Lajmet e fundit nga