web counter
LEXO PA REKLAMA!

SHKARKO APP

App Store
Google Play

E fundit!

x

Fusha skandaloze e Air Albania, ja si do i gjendet zgjidhja

10 Shkurt 2021, 08:19, Sport CNA

Të gjithë e çojnë ndër mend gjendjen e keqe të fushës në stadiumin ?Air Albania? e ndërsa është pranuar defekti i saj edhe nga drejtuesit e FSHF-së, atëherë nuk ka më vend për ta vënë në diskutim.

Shkaqet janë të ndryshme. Së pari, mungesa e diellit në shumë sektorë të fushës. Së dyti, mungesa e ajrosjes për shkak të strukturës së stadiumit të mbuluar dhe, së treti, edhe për nga trajtimi jo i duhur në shumë raste.

Shqipëria do të luajë në fund të marsit ndeshjen ndaj Anglisë dhe impianti më modern në Shqipëri duhet të ketë edhe fushën në parametrat më optimalë të mundshëm. ?Panorama Sport? ka mësuar edhe planin për ?sprintin? final që do të bëhet muajin e fundit para sfidave të marsit për ?Katar 2022?.

Fusha e stadiumit të ri kombëtar do të ndryshohet pas muajit mars dhe do të ketë deri në 15% fije të barit hibrid. Një tapet të ri, ku do të ketë edhe fije sintetike, në mënyrë që impianti të ketë gjendje maksimale, edhe duke qenë një stadium i mbuluar. Gazeta ka mësuar se më 15 shkurt do të nisë edhe një trajtim special në lidhje me fushën.

?Do të nisim trajtimin special të fushës. Do të jetë në Shqipëri një specialist nga kompania e kontraktuar që do të sjellë tapetin e ri, i cili do të asistojë punonjësit tanë. Fillimisht nis me korrjen shumë të shkurtër të barit aktual. Më pas, me anë të një makinerie, bëhet pastrimi i pjesëve të vdekura të barit. Më tej, do të bëhet një rimbjellje e fushës me ?lolium?.

Kur të ketë mbaruar i gjithë ky trajtim special, bëhet më pas edhe montimi i krahëve të ventilatorëve dhe llambave. Vetëm pasi të dalë bari i ri, nis montimi i tyre, duke qenë se më herët mund të dëmtojë tapetin aktual?, ka shpjeguar për ?Panorama Sport? anëtari i Komitetit Ekzekutiv të FSHFsë, Arben Dervishaj.





Lajmet e fundit nga