web counter
LEXO PA REKLAMA!

SHKARKO APP

App Store
Google Play

E fundit!

x

Zgjedhjet e 25 prillit/ Kreu i OSBE-së në Tiranë: “Koha është sfida kryesore e zgjedhjeve”

9 Shkurt 2021, 20:36, Aktualitet CNA

OSBE në Shqipëri e vlerëson zbatimin e kodit të ri zgjedhor si një nga sfidat kryesore të zgjedhjeve parlamentare në 25 prill. Në një intervistë ekskluzive për gazetarin Lutfi Dervishi në emisionin Përballë, Ambasadori i ri i Prezencës së OSBE-së në Shqipëri, Vincenzo Del Monaco thotë se zbatimi i dispozitave të reja kërkon përpjekje të përbashkët nga institucionet, politika dhe qytetarët.

?Koha, koha është një prej sfidave më kryesore që unë shoh. Do të duhet që të sigurohet në fakt që dispozitat e reja zgjedhore të zbatohen në një afat kohor relativisht të shkurtër. Kemi rregulla të reja ky është një fakt, pra zgjedhjet janë fare afër ky është një tjetër fakt. Por për sa mund të shoh KQZ është duke punuar fort shumë fort dhe ka një ndërgjegjësim të përgjithshëm për afatet e ngushta që kemi deri në 25 prill. Këto e përforcojnë optimizmin tim të natyrshëm. Zbatimi i plotë i dispozitave të reja të kodit zgjedhor do të kërkojnë një përpjekje të përbashkët nga institucionet, përpjekje nga liderët politik dhe nga secili qytetarë sepse ata që përshembull kanë kartat e identiteti të skaduara duhet të nxitojnë të aplikojnë për karta të reja.? ? theksoi Del Monaco.

Vota e emigrantëve dhe aplikimi i teknologjive të reja janë dy sfida të tjera për këto zgjedhje sipas ambasadorit të OSBE-së.

?Dhe pastaj ka një numër sfidash të tjera. Një prej tyre është votimi për emigrantët. Unë kam një eksperiencë të drejtpërdrejtë në këtë sepse në detyrën time të mëparshme kam pasur mundësinë që të organizoj zgjedhje në vendet ku kam shërbyer (për italianët jashtë) dhe une e di vet nga përvoja ime se sa komplekse mund të jetë kjo. Edhe aplikimi i teknologjive është një sfidë në vetvete për zgjedhjet e reja. Gjithashtu koha dhe financimet në dispozicion të KQZ janë pika kyçe që do të duhet të trajtohen në kohë deri në fund.? ? tha Del Monaco në Përballë./CNA.al





Lajmet e fundit nga