web counter
LEXO PA REKLAMA!

SHKARKO APP

App Store
Google Play

E fundit!

x

“Mashtrimet nuk kanë fund”/ Dasho reagon ashpër: Ministria e Shëndetësisë të bëjë transparencë

7 Shkurt 2021, 10:33, Lifestyle CNA

Eksperti i Shëndetit Publik Erin Dasha ka reaguash ashpër sa i takon situatës që është krijuar në vendin tonë si pasojë e pandemisë Covid, ku përgjatë ditëve të fundit janë shënuar mbi 1 mijë raste të reja ditore.

Përmes një postimi në rrjetin social, Dasho shprehet se pavarësisht situatës, mashtrimet nuk kanë fund, duke theksuar se Ministria e Shëndetësisë raporton shifra që nuk kanë lidhje me realitetin.

Sipas tij, organet kompetente asnjëherë nuk e kanë sqaruar se mbi çfarë bazar raporton rastet ditore, ku thekson se pavarësisht denoncimeve të shumta që janë bërë, nuk është kryer asnjë hetim.

?MASHTRIMET DUKET SIKUR  NUK KANË FUND!

Situata e epidemisë ka arritur kulmin me mbi 1,000 raste të diagnostikuar çdo ditë. Situata reale në fakt duhet të jetë shumë më keq se kaq:

Objektivisht, fakti që numri i rasteve që testojnë pozitiv është mbi 25% flet për nevojën për të kryer më shumë testime, ku potencialisht do të ketë edhe më shumë persona të diagnostikuar.

Subjektivisht, ministria vazhdon të raportojë shifra që nuk përputhen me realitetin. P.sh. nëse Drejtoria e Shëndetit Publik të një qyteti raportonte mbi 100 raste pozitive në një nga ditët e para të shkurtit, raportimi i MSH të nesërmen fliste për më pak se 50. Këto mospërputhje ndodhin shpesh duke prekur herë një drejtori dhe herë një tjetër!

Për shkak të paaftësisë ose në mënyrë të qëllimshme (ose të dy këta faktorë), ministria nuk i ka sqaruar asnjëherë parimet e survejancës, pra mbi çfarë bazash dhe përkufizimesh raporton rastet, shtrimet në spital dhe vdekjet! Denoncimet nuk kanë munguar por asnjë hetim nuk është zhvilluar, lëre të jetë çuar deri në fund?, shkruan Dasho.

Eksperti i Shëndetit Publik thekson më tej se transparenca e rasteve të reja dhe vdekjeve është e rëndësishme për të kuptuar rëndësinë e rrezikut dhe për të zbatuar masat.

Por për Dashon, dezinformimi nga organet përkatëse ka po ndikon në përhapjen e epidemisë dhe rritjen e numrit të infektimeve dhe viktimave.

?Në kushte pandemie rastet dhe vdekjet nuk raportohet për kuriozitet shkencor! Ato janë të lidhura ngusht me komunikimin e riskut dhe komunikimi i gjysmës së rasteve apo vdekjeve nënkupton dhënien e mesazheve në dukje “qetësuese”, por në thelb dizinformuese!

Mesazhet “qetësuese” atëherë kur duhet të jenë paralajmëruese ndikojnë në mosmarrjen e masave nga qytetarët, në përshpejtimin e përhapjes së epidemisë dhe në rritjen e numrit të infektimeve dhe vdekjeve.

Nëse provohet (dhe është relativisht e lehtë të hetohet), fshehja e numrit të rasteve do të ishte papërgjegjshmëri e strukturave të ministrisë dhe komitetit, implikimet e së cilës nuk janë thjesht profesionale dhe etike, por hyjnë në sferën e shkeljeve me natyrë ligjore.

Uroj që mospërputhjet e raportimeve ditore të jenë lapsuse dhe të jenë korrigjuar në ditët në vijim (pra të bëhet fjalë thjesht për paaftësi).

Përndryshe, do të ndodheshim në kushtet e një skandali nga më të mëdhenjtë që kanë ndodhur gjatë pandemisë.

Koha do ta provojë?, shkruan Dasho./CNA.al





Lajmet e fundit nga