web counter
LEXO PA REKLAMA!

SHKARKO APP

App Store
Google Play

E fundit!

x

“Do jesh me mua me zor”/ E frikësuar, rrëfimi i Luana Vjollcës për të riun që e përndiqte

6 Shkurt 2021, 09:18, Lifestyle CNA

Pak ditë më parë, moderatorja Luana Vjollca ka denoncuar të riun Ajdin Morina, pasi e përndiqte. Morina i dërgonte mesazhe dashurie Vjollcës si dhe e përndiqte prej kohësh. Ajdina është arrestuar pranë banesës së moderatores, Luana Vjollca.

Së fundi është zbardhur dhe dëshmia e moderatores ku shprehet se ndihet e frikësuar për veten dhe familjarët e saj.

Ajo rrëfen se i riu i dërgonte mesazhe të tilla si : ?Ti do të jesh e imja. Do jesh me mua me zor?.

Gjithashtu ka treguar se ai e përndiqte në ambientet e punës si dhe kompleksit ku jetonte por ishte ndaluar nga rojet e sigurimit. Ndaj kjo është edhe arsyeja pse ajo në shumicën e kohës lëviz me truproja.

?Kam gjeneralitetet e përshkruara më lart dhe jam me punë autore dhe moderatore te ?Top Channel? prej 14 vitesh. Më parë kam bërë kallëzim në lidhje me një shtetas, i cili quhet Ajdin Morina.

Ky shtetas më ka shqetësuar shumë me përndjekje dhe aktualisht është në proces gjyqësor dhe nuk është mbaruar, akoma nuk është marrë ndonjë vendim Gjykate në lidhje me kallëzimin e parë. Shtetasi Ajdin Morina ka qenë dje te zona ku unë banoj, brenda rezidencës ku unë jetoj, ka kërkuar të futet te hyrja e kompleksit, por duke qenë se unë i kisha porositur punonjësit e Policisë private nuk e kanë lënë.Më parë i kisha bërë me dije që ky shtetas më shqetëson me përndjekje dhe nuk e kishin lënë të futej.

Shtetasi në fjalë ishte larguar, nuk e di pas sa kohësh, kishte kërkuar të takohej me mua duke thënë: ??jam fans dhe nuk largohem pa takuar Luanën?. Sot, më datë 01.02.2021, rreth orës 14:20, ka qenë përsëri te puna ime në ?Top Channel?, ka tentuar të futet të hyjë dhe përsëri security nuk e kanë lënë të futej. Unë i kam vënë në dijeni që shtetasi më ka shqetësuar dhe se nuk duhej ta linin të futej.

Ky person më ka dërguar disa e-mail-e prej një viti, duke më vënë në shqetësim të madh. Shtetasi Ajdin Morina fillimisht më ka shkruar në ?Instagram? dhe i kam bërë bllok.Tani më shkuan tek e-mail-i punës i vendosur në ?Instagram?-in tim.Ky person më dërgon e-mail-e me tekst: ?Ti do të jesh e imja. Do jesh me mua me zor?.

Më ka terrorizuar. Kam frikë, si për vetë, ashtu edhe për familjarët e mi. Ky person është bërë problem për mua dhe se nuk po më lejon të jetoj jetën time në mënyrë normale, duke u detyruar të marr në punë truprojë që më shoqëron çdo ditë, ngaqë më ka shkaktuar ankth dhe frikë duke më përndjekur për një vit rresht. Jam paraqitur këtu në Polici për të bërë kallëzim penal, siç e pasqyrova më lart, pasi ndihem e rrezikuar dhe e kërcënuar”, ka thënë moderatorja në deklaratën e saj./ CNA.al





Lajmet e fundit nga