E fundit!

13:51 Aktualitet

Protestuesit te selitë e partive/ Vrenozi: Veprim antishqiptar, PD dhe PS nuk u prekën as në '97

Demokrati i famshëm, Ilir Vrenozi ka bërë një reagim në li...

Ku ka të drejtë dhe çfarë harron Ylli Manjani

4 Shkurt 2021, 19:29, Politikë CNA

Ylli Manjani reagoi sot pas shfaqjes së Ramës në prezantimin e projektit për rikonstruksionin e Piramidës.

Nuk duam të ndalemi në faktin që historia e lançimit të rikonstruksioneve dhe destinacioneve të Piramidës, është histori e përsëritur.

Por është interesant reagimi i Zotit Manjani!

Disa media e kanë reflektuar këtë reagim si qëndrim të LSI, por ne priremi të besojmë që LSI nuk hyn fare në vlerësimin e bërë nga Zoti Manjani.

Ne reagimin e tij Manjani vlerëson dy çështje.

Së pari, jep konsiderimin e tij që veprimtaria e zhvilluar nga Kryeministri Rama është veprimtari e ndaluar nga Kodi Zgjedhor.

Sipas Nenit 92 të Kodit Zgjedhor, xhiroja e sotme e Ramës tek Piramida, i shoqëruar nga Lali Eri është qartësisht veprimtari publike e hapur për median e që është e detyrueshme që të raportohet paraprakisht në KQZ.

Sesa e ndaluar është kjo veprimtari, këtë vlerësim e ka bërë Komisioni Rregullator i KQZ.

Në nenin 3 të Rregullores së miratuar në Komisionin Rregullator, veprimtaria e sotme e Kryeministrit, shoqëruar nga Lali Eri, nuk përbën veprimtari të ndaluar, sa kohë që, sipas Komisionit Rregullator, veprimtari të ndaluara konsiderohen vetëm ato që lidhen me promovimin e projekteve dhe/ose investimeve për të cilat ka fonde publike që vihen në dispozicion rishtazi .

Pra jo për projekte, fondet e të cilave janë vënë në dispozicion përpara periudhës 4-mujore të përcaktuar si kufizuese nga Kodi Zgjedhor.

Jemi të gjithë të qartë që mundësia që të kemi fonde të transferuara “rishtazi” për projekte të reja, pra në këto 4 muaj, është zero.

Por ky është arsyetimi që kanë bërë anëtarët e Komisionit Rregullator, në një akt që është miratuar me votat unanime të gjithë anëtarëve të Komisionit.

Në atë Komision, LSI ka përfaqësuesin e vet dinjitoz, ndaj ne priremi të besojmë që interpretimi i Manjanit për kufizimet e Kodit Zgjedhor, nuk ka lidhje me mënyrën se si LSI mendon nëpërmjet përfaqësuesit të vet në KQZ.

Së dyti, zoti Manjani, në analizën e vet arsyetonte që duke qenë xhiroja kryeministrore, një xhiro e ndaluar të zhvillohej publikisht dhe me kamera, i tillë duhet të ish edhe shoqërimi që zonja Ambasadore i bënte Kryeministrit.

Por sa kohë Komisioni Rregullator i KQZ, dhe përfaqësuesit e opozitës në atë Komision, janë dakord që Kryeminisrri të bëjë xhiro të tilla, nuk mund të konkludojmë që Ambasadorja ndalohet që ta shoqërojë.

Se sa bie në kundërshtim, ose është konform Kodit Zgjedhor dispozita e Nenit 3 të Rregullores së miratuar nga KQZ-ja, ky është debat i hapur tashmë.

Si fillim mund të infirmojmë publikun, që rishtazi, ka një vlerësim për këtë çështje.

Një prej organizatave që merret me monitorimin dhe transparencën e zgjedhjeve për llogari të Ambasadës së Mbretërisë së Holandës dhe Këshillit të Europëse, (Akademia e Studimeve Politike), e ka vlerësuar ndërkohë si tejkalim të Kodit shtesën e fjalës “rishtazi” në dispozitën e nenit 3 të Rregullores.

Bashkëlidhur mund të lexohet çfarë ka thënë Kodi Zgjedhor dhe çfarë i kanë shtuar Kodit, Anëtarët e Komisiont Rregullator.

Pra si e ka parashikuar Kodi Zgjedhor kufizimin për të cilin flet zoti Manjani dhe si ja kanë bërë puçin Kodit Zgjedhor anëtarët e Komisionit Rregullator në KQZ./ CNA.al