web counter
LEXO PA REKLAMA!

SHKARKO APP

App Store
Google Play

Kontrolli i eksporteve të vaksinës jashtë BE/ Kritikon OBSH: Nuk ndihmon në luftën ndaj pandemisë

31 Janar 2021, 10:01, Kosova & Bota CNA

Organizata Botërore e Shëndetësisë ka kritikuar njoftimin e BE-së për forcimin e  kontrolleve në eksportet të vaksinave të prodhuara brenda bllokut, duke thënë se masa të tilla rrezikojnë zgjatjen e pandemisë.

KE njoftoi të premten një mekanizëm të përkohshëm transparence dhe autorizimi. Mekanizmi kërkon që të gjithë prodhuesit e vaksinave brenda BE-së duhet të marrin autorizimin nga vendet anëtare për eksportet e tyre të vaksinave jashtë BE-së.

Dr. Mariangela Simao, ndihmës drejtoresha e përgjithshme e OBSH-së për aksesin në ilaçe dhe produkte shëndetësorë, tha se “nuk është e dobishme që në këtë fazë të vendosen ndalime eksporti ose pengesa që nuk lejojnë lëvizjen e lirë të përbërësve të nevojshëm që do të mundësonin akses më të lehtë ndaj vaksinave, diagnostikimeve dhe ilaçevë të tjera?.

BE argumenton se nuk është një “ndalim eksporti”, por më tepër një kërkesë për transparencë në të gjitha eksportet e vaksinave.

Edhe më herët kreu i OBSH  tha se qeveritë duhet të ndajnë dozat e vaksinave pasi të vaksinojnë punonjësit e kujdesit shëndetësor dhe qytetarët më të rrezikuar.

Bashkimi Evropian ka dhuruar 850 milionë ? për skemën COVAX të OBSH-së që synon të sigurojë doza vaksinash për vendet me të ardhura të ulëta dhe të mesme.

Të 92 vendet në listën e COVAX janë të përjashtuara nga kërkesa e re e BE për eksportin e vaksinave.

Vendimi i BE mbi eksportet erdhi pas një përplasje me kompaninë farmaceutike AstraZeneca, e cila tha se nuk do të ishin në gjendje t?i siguronin bllokut shumën e plotë të dozave të dakorduara në tremujorin e parë./euronews





Lajmet e fundit nga