“Nuse në Shkodër”/ Marina Fara zyrtarizon lidhjen me biznesmenin e arrestuar

30 Janar 2021, 14:25, Lifestyle CNA

Marina Fara pak kohë më parë, zyrtarizoi lidhjen e saj të dashurisë me djalin shkodran që i rrëmbeu zemrën. Së fundi çifti ndodhet në Dubai ku dhe po kalojnë disa ditë shumë të nxehta.

Nuk kanë munguar as fotot e Marinës e cila duket shumë e lumtur në krah të Alisit. Duket se dyshja do ta finalizojnë marrëdhënien e tyre me një dasmë në Shkodër.

Dyshja janë njohur nga miq të përbashkët dhe tashmë Marina njihet si ?nujsa në Shkodër? nga të gjithë.

Por kush është djaloshi që ka rrëmbyer zemrën e Marina Farës?

Alis Hysa, vëllai i ish-kampionit të boksit Nelson Hysa, është mes personave të arrestuar nga policia me urdhër të Prokurorisë së Përmetit pasi u kap në përgjimet e dosjes ?Mezhgorani?. Lidhja e Alis Hysës me modelen Marina Fara, vajzën e këngëtares Eli Fara, ka bërë që policia të mësyjë edhe në shtëpinë e saj për kontroll. Nga kontrolli në shtëpi, nuk është gjetur asnjë send i paligjshëm. Në përgjimet e bëra nga prokuroria ka dalë se Marina ka pasur kontakte të shpeshta telefonike me njërin nga të ndaluarit, pikërisht Alis Hysën.

Mësohet se në përgjime, vajza e këngëtares ka emrin e saj të gjendjes civile, Roxhensa Vangjush Kapurani, ndërkohë pas pagëzimit ajo ka ndryshuar emrin, njëkohësisht ka hequr dorë edhe nga mbiemri i të atit. Bëhet me dije se Marina Fara ka pasur kontakte të shpeshta telefonike me Alis Hysën, madje një rast vajza e këngëtares e ka ndihmuar Hysën edhe t?i largohet policisë. Alis Hysa ka qenë duke u ndjekur nga policia, pasi në makinën me të cilën ai udhëtonte bashkë me një person tjetër, po transportohej një sasi e madhe lënde narkotike. Por, sapo ka vënë re se makina e tyre po ndiqej nga policia, Alis Hysa dhe shoku i tij e kanë braktisur atë dhe janë larguar për disa minuta në këmbë. Në një moment, siç ka dalë në përgjime, Alis Hysa ka marrë në telefon të dashurën e tij, Marinën, e cila e ka marrë me makinën e saj bashkë me shokun dhe i ka larguar nga vendngjarja. Mesa duket, gjithçka është sqaruar nga organet e drejtësisë, dhe tashmë Marina dhe Alisi mund të shijojnë dashurinë e tyre.