E fundit!

15:42 Aktualitet

Protestuesit para selive/ Balla: Kush qëndron pas tyre e ka gabim, mund të çojnë në vëlla-përplasje

Kreu i grupit të Partisë Socialiste Taulant Balla ka kriti...

“Me dëshirën më të madhe largohem nga emisionin”/ Pas kërkesës së Enxhël, Meri pendohet për fjalët e saj

29 Janar 2021, 09:57, Lifestyle CNA

Mesazhi i konkurrentes së Love Story, Enxhëll Lengo, ku kërkonte të rikthehej në garë, i habiti të gjitha vajzat madje edhe vetë Saimirin.

Ajo u shpreh e penduar për ikjen e saj dhe e përlotur kërkoi një mundësi tjetër nga Saimiri.

?Letrat nuk dalin kurrë nga moda si letrat tek filmi ?The Notebook?. Njeriu kur shkruan i thotë të gjitha ato që ndjen. Dëshiroj të kërkoj falje me mërzitjen që të shkaktova me vendimin tim. Është një vendim emotiv, që çdo vajzë e mendon kur të shikon në takim me një vajzë tjetër. Është ngarkesë prej gjithçkaje që na rrethon, shoqëria, familja, miqësia. E nisa këtë rrugëtim e frymëzuar me plot emocione të bukura, ndjesi frike se si do të shkonte. Njohja me ty ishte gjëja më e bukur që përjetova në ?Love Story?. Ti më ke dhënë emocione pafund, një javë më parë nuk u tregova e fortë, lashë emocionet të më dominonin. Kërkoj ndjese për ty, produksionin, vajzave dhe shpresoj të mos më paragjykojnë, por unë dua t?i kthehem sërish asaj gare në mënyrë të barabartë me vajzat e tjera, uroj të kemi mirëkuptimin tuaj?, tha Enxhëll.

Pas kësaj, në një intervistë për Daily Love Story, një nga konkurrentet Meri, ka thënë nëse mes Enxhëllit dhe Saimirit ka një ndjenjë, me shumë dëshirë ajo largohet nga emisioni.

?Kam respekt për Enxhëllin sepse që prej fillimit kemi pasur raporte të mira me njëra-tjetrën dhe është një vajzë me vlera. Por në momentin që unë e kuptoj që kam ndjenja, do mundja emocionet, do përballoja presionin e publikut, familjes dhe çfarëdolloj gjëje tjetër qoftë dhe nuk do veproja ashtu siç veproi ajo. Nëse vërtetë mes Saimirit dhe Enxhëllit ka ndjenja atëherë unë jam e tepërt këtu, më mirë të largohemi të gjitha dhe të mbyllet historia me kaq. Unë nuk e pranoj këtë gjë, me dëshirën më të madhe largohem nga emisioni dhe Enxhëll të vazhdojë rrugëtimin e saj me Saimirin?, u shpreh Meri.

Por duket se Meri është pednuar për fjalët e saj pasi së fundi është shprehur se e kupton Enxhëllin dhe vendimin e saj.

?Jemi vajza vetë dhe ndoshta ajo ka patur arsyet e veta. Mendoj që është e vërtetë ajo që tha, që ishte pushtuar nga emocionet dhe ndoshta është ndjerë jo vetvetja. Ndonjëherë mblidhen të gjitha bashkë sepse nuk jemi perfekt. Mund të kemi problemet tona, mblidhet edhe stresi i emisionit, presioni i publikut dhe ka momente të vjen të plasësh. Por kur je në një presion të tillë është shumë e vështirë të marrësh një vendim. Besoj edhe vetë Saimiri po e mendon thellë?, ka thënë Meri./ CNA.al