web counter
LEXO PA REKLAMA!

SHKARKO APP

App Store
Google Play

E fundit!

x

Rama konferencë me ministren Ekonomi/ Sektori i bujqësisë zë deri në 20% të PBB-së

26 Janar 2021, 10:33, Politikë CNA

Kryeministri Edi Rama bashkë me ministren e Bujqësisë dhe Zhvillimit Rural Milva Ekonomi dhe Drejtore e Përgjithshme e Agjencisë për Zhvillim Bujqësor dhe Rural, Frida Krifca, kanë dalë sot në një konferencë ku po bëhet një raport në lidhje me zhvillimin e bujqësisë në vendin tonë.

Ministrja e Bujqësisë, Milva Ekonomi gjatë fjalës së saj deklaroi se bujqësia është ndër sektorët më të rëndësishëm, duke shtuar se ky sektor zë deri në 20% të prodhimit të brendshëm bruto.

Teksa theksoi se në vendin tonë është rritur prodhimi bujqësor, Ekonomi tha se është rritur dhe eksporti.

?Bujqësia është një ndër sektorët më të rëndësishme të ekonomisë, Jep 18% të prodhimit të brendshëm Bruto. Kur bëjmë krahasimet mes 2013-2019, shohim se prodhimet janë rritur. Përveçse kemi prodhuar, kemi eksportuar fortë. Eksportet janë rritur 145%. Raporti mes importeve dhe eksporteve ka ardhur duke u përmirësuar. Sot prodhimet tona shkojnë në 75 vendet të BE dhe në territor më të largëta, si Kina dhe Hong Kongu. Një sektor tjetër me rëndësi është dhe sektori i peshkimit. Sa i takon investimeve të klasës së fermerëve, qeveria angazhoi fonde prej 9.5 mld lekë për të bërë të ujitshme tokën. Një lajm i rëndësishëm, së bashku me BE në janar të këtij viti ka filluar vendosja e blu-bosk në anijet e peshkimit.?, tha Ekonomi.





Lajmet e fundit nga