E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Greqia zbërthen takimin Rama-Erdogan/ Shqipëria po islamizohet

26 Janar 2021, 16:06, Kosova & Bota CNA

Gazeta greke ?Kathimerini? i ka dhënë hapësirë të dukeshme në versionin online një shkrimi të gazetarit Stavros Dhimas në lidhje me raportet e ngushta të kryeministrit Rama me presidentin turk Erdogan.

Dhimas e ka titulluar shkrimin ?Peshqeshet parazgjedhore të Erdoganit ndaj Ramës? duke radhitur aty, të gjitha ?dhuratat?, me të cilat Rama u kthye nga Ankaraja pas pritjes pompoze me kuaj dhe limuzina gjatë vizitës së fundit në Turqi.

?E gjithë bota, por kryesisht votuesit shqiptarë, panë në ceremoninë e pritjes kuaj me kalorës të veshur si ushtarë osmanë që mbanin flamurin shqiptar, limuzina, imazhe nga sallonet e Sulltanit dhe gjëra të tjera mbresëlënëse. Erdogan ?e do? Ramën sepse ai ia ka hapur gjerë portat e Shqipërisë, duke e çuar atë në krahët e Turqisë, ndërsa vendi po pret fillimin e negociatave për hyrjen e tij në Bashkimin Evropian?, shkruan në fillim të opinionit të tij gazetari grek.

Më tej, ai vijon:

Kështu, duke u kthyer në atdheun e tij, Rama ishte ngarkuar me ?dhurata? parazgjedhore, të tilla si një spital COVID-19 në qytetin e Fierit, gati për hapje para zgjedhjeve të pranverës, një degë e Universitetit Politeknik të Stambollit në Tiranë dhe premtimet e investimeve turke. Mbi të gjitha, ai u largua nga Ankaraja me një porosi të ministrit të jashtëm turk Cavousoglou, për të cilën u tha se ai ndërmjetësoi në konfliktin greko-turk.

Miqtë e tij të afërt në media e vlerësuan Ramën si një person me famë ndërkombëtare, të aftë për të zgjidhur mosmarrëveshjet gjeopolitike. Kurse opozita ironizonte me ?medaljet? turke për kryeministrin e tyre, megjithatë, Bild?i gjerman e shfaqi kryeministrin shqiptar si një ?ndërtues urash? midis Greqisë dhe Turqisë ? në fakt, sipas Bild ky veprim kishte edhe ?bekimin? e Angela Merkel.

Idea se vizita e Ramës në Turqi dhe në Greqi më pas ndihmoi në normalizimin e marrëdhënieve mes dy vendeve duke i bërë dy shtetet të ulën në tavolinën e diskutimit është e pranuar nga të gjithë.

Por, burime diplomatike pranë tre palëne thanë për ?Kathimerini se asgjë nga këto nuk është e vërtetë, duke theksuar se ?është absolutisht e sigurt që, nëse Greqia dhe Turqia do të kishin nevojë për dikë në këtë rol, ata do ta kërkonin atë në një vend ose tek një lider me fuqi dhe prestigj ndërkombëtar ?dhe se çështja e diskutimeve Turqi-Greqi ishte mbyllur para udhëtimit të z. Rama në Ankara. Ai (burimi diplomatik sh.r) shtoi se të dy palët kishin arritur madje edhe të përcaktonin edhe vendin ku do të zhvilloheh takimi duke hedhur poshtë kështu thashethemet për Tiranën dhe porositë e Ccavusoglu për Ramën.

Cila është, pra, arsyeja e ndaleës së përkohshme të liderit shqiptar në Athinë?

Është një fakt që axhenda në marrëdhëniet dypalëshe mbetet e pasur dhe e hapur, me çështjen e parë dhe të vazhdueshme është marrëveshja gojore e të dy palëve për dërgimin e çështjes së detit në Hagë.

Sidoqoftë, asnjë zhvillim i menjëhershëm nuk parashikohet para zgjedhjeve të prillit në Shqipëri, diçka që është theksuar nga ministri i Jashtëm Grek Nikos Dendias.

Gjithçka shtyhet për në verë, mbase duhet pritur edhe më tepër për një marrëveshje me shkrim në Hagë.

Më tej, gazetari grek shkruan se Shqipëria ?është e lidhur pas karrocës së Erdoganit? dhe se kjo qasje e Ramës është duke e islamizuar edhe më tej vendin.

Dhimas shkruan në Kathimerini:

Ndërsa Erdogan shpall vizionin e tij për një ?Atdhe të Kaltër?, i cili përfshin Ballkanin, nën udhëheqjen e Ramës, Shqipëria është gjithnjë e më e lidhur me karrocën e ndikimit turk. Më fjalë të tjera, është duke u islamizuar me një ritëm të shpejtë.

Në prani të Ramës, gjatë një vizite në Tiranë, Erdogan nuk hezitoi të pretendonte se ?bregu i Adriatikut të Shqipërisë është kufiri perëndimor i Turqisë neo-Osmane?.

Në rastin e Shqipërisë së Ramës, megjithatë, vërehet paradoksi, ndërsa vendi është në hollin e BE-së, ndërsa 90% e popullsisë do që të integrohet në BE, udhëheqja e tyre po përpiqet që ta kthejë në një komplot turk në Ballkan. Kjo gjë i ka shqetësuar europianët.

Në fakt, retorika anti-evropiane që Rama përdori në deklaratat e tij për Erdogan në Ankara shkaktoi shqetësime në Bruksel, i cili, përmes ambasadorit të Bashkimit Evropian në Tiranë, Luigi Soreca, akuzoi kryeministrin shqiptar si një kryeministër anti-shqiptar./CNA.al