"Flas me Ramën dhe Tefik Osmanin", Tare: Statuti i FSHF është zgjedhje dobësie...

26 Janar 2021, 16:32, Sport CNA

Impenjimi në shumë fronte me Lacion, që është kthyer në një prej skuadrave më të mira të Serisë A, nuk heq vëmendjen e Igli Tares nga Shqipëria. Drejtuesi shqiptar i Lacios ka treguar për ?SportTime? se nuk e ndjek aq sa do të dëshironte, por ndërkohë është në kontakt herë pas here me drejtuesit e Partizanit dhe Tiranës. Në intervistën e tij, Tare ka folur edhe për statutin e FSHF-së, që u ndryshua pikërisht për të vendosur pengesa për figura si ai që të kandidonin për kreun e FSHF-së.

?E ndjek kampionatin shqiptar, me aq sa ma lejon koha. Nuk jam i informuar aq shumë. Me Olsi Ramën ndaj një miqësi të përbashkët, me Osmanin kam folur disa herë. Nuk flasim për çfarë ndodh aty, por për anën formale+.

Rivaliteti në Serinë A? Është diçka shumë e mirë edhe për kampionatin, pasi edhe disa skuadra janë përforcuar me lojtarët e duhur. Juventusi ka pasur problemet e tyre, nuk janë më ajo skuadra e vitit të kaluar, por mbeten pretendentë. Interi është disi më ndryshe, pasi nuk luan në Kupat e Europës.

Ne e provuam vetë diçka të tillë dhe e dimë si është. Kishim probleme si skuadër. Shpresoj që të jemi protagonistë këtë sezon. Objektivi jonë maksimal është kualifikimi në Champions. Nëse arrihet diçka më e madhe, do ishte qershia mbi torte.

Kam pasur gjithmonë idenë që afroj lojtarët që janë të mirë, nuk ka rëndësi nëse është serb apo brazilian apo diçka tjetër. Nuk është e lehtë të luash në kampionatin italian. Për momentin jemi të lumtur me këta që kemi. Kur kam qenë te Kombëtarja ka qenë një gjeneratë shumë e mirë. Mund të them se shumë lojtarë nga ata mund të luanim pa problem në Serinë A.

Statuti i FSHF? E kam ndjekur me aq mundësi sa kam pasur. Është një dobësi e atyre që e kanë pasur idenë për këtë vendim. Nuk mund t?ia mohosh të drejtën shumë figurave të futbollit shqiptar, që kanë dhënë shumë. Mendoj e është një zgjedhje dobësie.

Trajnerët shqiptarë jashtë? Rëndësi ka të jesh një trajner shqiptar, që ka pasur suksese në futbollin europian. Kanë bërë mirë në skuadra me traditë. Mjafton të kujtojmë Besnik Hasin, ka bërë mirë me shumë skuadra. Ervin Skela mund të bëjë mirë, pasi po bën punë të mirë me moshat te Frankfurti.

Shqipëria në Botëror? Unë nuk e shikoj si problem grupin. Të luash kundër Anglisë është e vështirë. Polonia dhe Hungaria gjithashtu. Është grup i luftuar, Shqipëria nëse ia del mund ta arrijë atë vendin e dytë.

Çfarë të bëjnë më tepër se kaq sa kemi arritur?! Ajo humbja me Lituaninë ishte diçka e keqe, por pastaj ia dolën të arrijnë kualifikimin për në grupin B. Kombëtarja është një ekip me lojtarë të rinj, arrijnë të luajnë me Kombëtaren pavarësisht mungesës së minutave. Nuk është e lehtë për t?u ambientuar. Mbrojtja është shumë e ekuilibruar, në nivel mbi mesatar.

Në mesfushë e shikoj pikën më të dobët, mungojnë dy lojtarë, që t?i japin jetëgjatësi këtij reparti. Bare është mirë, Gjasula me eksperiencë. Është një repart që e shikoj me pak vështirësi. Sulmi, kanë disa lojtarë të rinj plus Cikalleshin dhe Sadikun.

Unë jam me mendimin që eksperiencat në jetë, të ndihmojnë se kur është momenti i duhur dhe personi i duhur dhe e bën atë zgjedhjen e duhur. Një bashkëshorte e mirë dhe familjare e mirë. Më e rëndësishme është mirëkuptimi. Kur e kalon këtë provë e bën zgjedhjen e duhur.

Lacio në Shqipëri ose Kosovë? Nuk është në dëshirën trime. Problemi është te të tjerët, janë shtuar tifozët e Lacios në vitet e fundit, por shpresoj që një ditë të realizohet kjo?.